VIDEO: બાળકનું અપહરણ કરનારા ઝડપાયા લોકોએ ઝૂડી નાખ્યાં

મોરબીઃ વેપારીના થયેલા પુત્રના અપહરણના મામલે અપહરણકારો સકંજામાં આવી ગયા છે. બાળકના અપહરણનો સમગ્ર મામલો CCTVમાં કેદ થયો હતો. જયાં CCTV કેમેરામાં સ્પષ્ટ દેખાઇ છે કે બાઇક સવાર બે શખ્સો બાઇક પર આવીને બાળકનું અપરહણ કર્યુ હતું. રફાડેશ્વર પોલીસે સતર્કતા દાખવી બાળકને છોડાવ્યો હતો. ખંડણી માટે બાળકનું અપહરણ કરવામાં આવ્યું હતું.પોલીસે અપહરણકારોને ઝડપીને વધુ કાર્યવાહી હાથ ધરી છે.

મોરબીના રવાપર રોડ પર આવેલી જનતા સોસાયટીમાં આજે સવારમાં બે અપહરણકર્તાઓએ પટેલ ઉદ્યોગપતિના સાત વર્ષના બાળકનું અપહરણ કર્યુ હતુ.  ત્યારે હવે આ અપહરણ કર્તાઓને સ્થાનિક લોકોએ માર માર્યો હોય તેવો વીડિયો વાયરલ થઈ રહ્યો છે.

આ વીડિયોમાં સ્થાનિક લોકો દ્વારા અપહરણ કર્તાને માર મારી રહ્યા છે અને આ વીડિયો સોશિયલ મીડિયામાં વાયરલ થઈ રહ્યો છે. મહત્વનુ છે કે પોલીસે માત્ર ગણતરીના કલાકોમાં જ  અપહરણકારોની ચુંગાલમાંથી બાળકને છોડવી લીધો હતો અને બન્ને આરોપીઓને વાંકાનેર તાલુકા પોલીસે ઝડપી લીધા છે.

અત્યારના સમયમાં બાળકોના અપહરણ કરીને ખંડણી માંગવાની ઘટનાઓ સામાન્ય બની ગઈ છે. આવો જ એક કિસ્સો મોરબીમાં બન્યો હતો જેમાં વેપારીના પુત્રનું તેના જ ઘર પાસેથી અપહરણ કર્યું હતું જોકે પોલીસની સતર્કતાના કારણે ગણતરીના કલાકોમાં જ બાળકનો અપહરણકર્તાઓના ચંગુલમાંથી છોડાવ્યો હતો.

બાઇક સવારોએ વેપારીના ઘરેથી જ પોતાના ઘરના ગેટ પાસેથી જ પુત્રનું અપહરણ કરીને પલાયન થઇ ગયા હતા. પોલીસે નાકાબંદી કરી પુત્રને અપહરણકારો પાસેથી પુત્રને છોડાવી લીધો હતો. ખંડણીના ઇરાદે વેપારીના પુત્રનું અપહરણ કર્યું હોવાનું પ્રાથમિક તપાસમાં બહાર આવ્યું છે. વેપારીના પુત્રના અપહરણની સમગ્ર ઘટના સીસીટીવીમાં કેદ થઈ ગઈ છે.

સીસીટીવીમાં સ્પષ્ટ દેખાઇ છે કે બે બાઇક સવાર વેપારીના ઘર પાસે આવે છે. ત્યાં પુત્ર અને માતા ઉભા હોય છે. બાઇક પરથી એક અપહરણકાર માતા પાસે આવે છે અને કંઇ વાતચીત કરે છે. એટલામાં માતા પુત્રને ગેટ પાસે મુકી અંદર જાય છે.

જોકે માતા બહાર આવે તે પહેલા જ આરોપી એકલતાનો લાભલઇને બાળકને ઉઠાવી બાઇક ઉપર પલાયન થઈ જાય છે. આ ઘટનાને જોતા જ ઘરના સભ્ય તરત જ તેની પાછળ દોડે છે અને આ અંગે પોલીસને જાણ કરી હતી. આમ પોલીસે તાત્કાલિક કાર્યવાહી કરી હતી.