લોકસભા ચૂંટણી 2024 / 'ગુજરાતની જનતાને ખ્યાલ છે કે કોને મત આપવાનો છે' અનુપમ ખેરની લોકોને મતદાન કરવાની અપીલ

ફિલ્મ જગતના જાણીતા અભિનેતા અનુપમ ખેર ગાંધીનગરના મહાત્મા મંદિર ખાતે BNI કાર્યક્રમમાં ઉપસ્થિત રહ્યાં હતાં. જેમણે લોકસભાની ચૂંટણીને લઈ તમામને મતદાન કરવાની અપીલ કરી હતી. ગુજરાતમાં 7 મેના રોજ મતદાન છે. ત્યારે તેમણે કહ્યું કે, ગુજરાતની જનતાને ખ્યાલ છે કે કોને મત આપવાનો છે જનતાને અપીલ છે કે વધુમાં વધુ મતદાન કરે.

અનુપમ ખેરે શું કહ્યું

અનુપમ ખેરે કહ્યું કે, રામ મંદિર આપણી એક ઘરોહર છે. 500 વર્ષ બાદ આયોધ્યા ખાતે રામ મંદિર બન્યું છે. રામ મંદિરની પ્રાણ પ્રતિષઠા વખતે હું પણ હાજર હતો મને આમંત્રણ મળ્યું હતું. દેશના તમામ નાગરીકને રામ મંદિરના દર્શન કરવા જવુ જોઈએ. આજે વિશ્વ કક્ષાએ ભારત દેશની અલગ ઓળખ ઉભી થઇ રહી છે.

વાંચવા જેવું: હેલિકોપ્ટરમાં બેસતા જ મમતા બેનર્જીનું સંતુલન બગડ્યું, પગમાં થઇ સામાન્ય ઇજા

'ભારત દેશની અલગ ઓળખ ઉભી થઇ રહી છે'

અનુપમ ખેરે પોતાના વક્તવ્યમાં વડાપ્રધાન મોદીની પ્રશંસા કરતા કહ્યું કે, ભારતીય પાસપોર્ટનું વિદેશમાં માન સન્માન વધી રહ્યું છે. તેમણે કહ્યું કે, આપણે એવી જગ્યાએ વોટ કરીએ કે, વોટ કર્યા બાદ રજૂઆત કરવાની જરૂર ન પડે. આપણો દેશ તે દિશામાં આગળ વધી રહ્યો છે. જે ફરીથી સોનાની ચીડિયા કહેવાશે