રાજ્યભરમાં મેઘસવારી ફરી વળી રાજપીપળાના ગામોમાં પુરની સ્થિતિ જાણો - ક્યાં કેવો માહોલ

નર્મદા
નર્મદાના રાજપીપળા સહિતના પંથકમાં મેઘરાજાની  ધમાકેદાર એન્ટ્રી થઇ હતી. ડેડીયાપાડા સાગબારા તીલકવાળામાં ધોધમાર વરસાદ થયો હતો. જોકે ધોધમાર વરસાદથી કેટલાક ગામોમાં પુરની સ્થિતિ સર્જાઇ હતી. કેટલાક કાચા મકાનો ધરાશાઇ થયા હતા. અને 6થી વધુ પશુઓના મોત થયા હતા. મેઘરાજાની એન્ટ્રી થતાં ખેડૂતોમાં ખુશીની લહેર જોવા મળી હતી. 

રાજપીપળામાં મેઘરાજાની ધમાકેદાર એન્ટ્રી 
ડેડીયાપાડા સાગબારા તીલકવાળામાં ધોધમાર વરસાદ
કેટલાક ગામોમાં પુરની સ્થિતિ સર્જાઈ
કાચા મકાનો ધરાશાઈ 6થી વધુ પશુના મોત
ખેડૂતોમાં ખુશીની લહેર

ભરૂચ જીલ્લામાં જળબંબાકાર 24 કલાકમાં 13 ઈંચ વરસાદ સૌથી વધુ વાલીયામાં 5.5 ઈંચ


ડાંગ
રાજયમાં 24 કલાકથી રાજયમાં મેઘસવારી ફરી વળી છે. રાજયના મોટાભાગના શહેરોમાં વરસાદી વાતાવરણ છે. 24 કલાકમાં વરસેલા વરસાદની વાત કરીએતો ડાંગના વધઇમાં 8 ઇંચથી વધુ તો આહવામાં 7ઇંચ વરસાદ વરસ્યો છે. જયારે ડાંગમાં 6 ઇંચ અને સુબિરમાં 3.5 ઇંચ વરસાદ વરસી ગયો છે. જયારે સાપુતારામાં 4 ઇંચ વરસાદ વરસી ગયો છે. તો આ તરફ વડોદરામાં 3 ઇંચ વરસાદ વરસી્ ગયો છે. જયારે સુરતમાં પણ શુક્રવાર સવારથી વરસાદ વરસી રહ્યો છે. અમદાવાદ અને રાજકોટમાં વાદળછાયું વાતાવરણ છે. 

ડાંગ જિલ્લામાં સરેસાર 6.02 ઈંચ વરસાદ
આહવા તાલુકામાં 7.44 ઇંચ વરસાદ નોંધાયો
વઘઈમાં 8.86 ઇંચ વરસાદ ખાબક્યો
સુબિરમાં 3.46 ઇંચ સાપુતારામાં 4.33 ઇંચ વરસાદ
 
વડોદરા
રાજયમાં મેઘો બરાબરનો જામ્યો છે. ત્યારે વડોદરામાં રાતભર વરસાદ વરસ્યો છે. શહેરમાં 3 ઇંચ વરસાદ વરસી ગયો છે. જયારે જિલ્લાના કરજણ અને શિનોરમાં 2 ઇંચ પાદરામાં દોઢ ઇંચ ડભોઇ અને વાઘોડીયામાં 1-1 ઇંચ વરસાદ વરસી ગયો છે. જિલ્લામાં સાર્વત્રિક વરસાદથી ખેડૂતો ખુશખુશાલ છે.  

વડોદરામાં રાતભર વરસ્યો ધોધમાર વરસાદ
વડોદરા શહેરમાં એક રાતમાં 3 ઇંચ વરસાદ
પાદરામાં દોઢ ઇંચ કરજણમાં 2 ઇંચ વરસાદ 
શિનોરમાં 2 ઇંચ ડભોઇ-વાઘોડિયામાં 1-1 ઇંચ વરસાદ
વરસાદથી નદીઅોમાં નવા નીરની આવક શરૂ 
જિલ્લામાં સાર્વત્રિક વરસાદથી ખેડૂતો ખુશખુશાલ

વડોદરા: ગેડીગેટ વિસ્તારમાં મકાન ધરાશાયી મામલો
ધરાશાયી મકાન નીચે દટાયેલા આધેડનું મોત
સારવાર દરમિયાન આધેડનું થયું મોત
રેસ્ક્યુ દરમિયાન આધેડને ઘાયલ અવસ્થામાં બહાર કઢાયો હતો
વરસાદના કારણે જર્જરીત મકાન થયું હતું ધરાશાયી

સુરત
સુરત જિલ્લામાં ધીમીધારે વરસાદ શરૂ થયો છે. શહેરના કેટલાક વિસ્તારોમાં ધોધમાર વરસાદ તો કેટલાક વિસ્તારોમાં વરસાદે રમઝટ બોલાવી છે. શહેરના કામરેજ માંગરોળ માંડવી વિસ્તારમાં વરસાદ નોંધાયો છે. તો ઓલપાડ વિસ્તારમાં ધોધમાર વરસાદ ખાબક્યો છે. ઓલપાડ વિસ્તારમાં ધોધમાર વરસાદના કારણે માર્ગો પર પાણી ભરાઈ ગયા હતા. તો સવારના સમયે શાળાએ જતા બાળકોને છત્રી અને રેઈનકોટનો સહારો લેવો પડયો હતો.

સુરતમાં વરસાદની રમઝટ
શહેરના કેટલાક વિસ્તારોમાં વરસાદ
કામરેજ માંગરોળ માંડવીમાં વરસાદ
ઓલપાડમાં ધોધમાર વરસાદ
ઓલપાડમાં માર્ગો પર ભરાયા પાણી

અમદાવાદ
અમદાવાદમાં અનેક વિસ્તારોમાં વરસાદી માહોલ છવાયો છે. છેલ્લા 2 દિવસથી શહેરમાં પડી રહેલી કાળઝાળ ગરમી અને બફારા બાદ આજે શહેરના અનેક વિસ્તારોમાં છુટો છવાયો વરસાદ વરસ્યો છે. શહેરના દરિયાપુરમાં કડકા સાથે વરસાદ વરસ્યો છે. તો વેજલપુર જીવરાજપાર્ક પાલડી સહિત અનેક વિસ્તારોમાં પણ વરસાદી ઝાપટા પડયા છે. છેલ્લા 2 દિવસથી અતિશય બફારો લાગી રહ્યો હતો ત્યારે આજે શહેરમાં  વરસાદ વરસતા વાતાવરણમાં ઠંડક પ્રસરી ગઈ છે. જેનાથી શહેરીજનોને ગરમીથી આંશિક રાહત થઈ છે.