બાળકીને રડતો વીડિયો થયો હતો વાઇરલ તે છે બોલિવૂડ સિંગરની ભત્રીજી

મુંબઇઃ બે દિવસ પહેલા સોશિયલ મીડિયા પર એક બાળકીનો રડતો વીડિયો વાઇરલ થયો હતો. જેમાં એક મહિલા તેની દીકરીને ધમકાવીને ભણાવી રહી છે. અને દીકરી પોતાની માને પ્રેમથી ભણાવવાનું કહે છે. આ વીડિયો સોશિયલ મીડિયા પર ઘણો વાઇરલ થયો છે. આ વીડિયોને જોઇ લોકો ગુસ્સે ભરાયા છે. આટલું જ નહીં ક્રિકેટર વિરાટ કોહલીએ પણ આ વીડિયોને શેર કર્યો હતો. અને ગુસ્સો વ્યક્ત કર્યો હતો. આ બાળકી કોણ તે સૌને જાણવુ હતું. ત્યારે આ વીડિયો મામલે ખુલાસો થયો છે કે આ બાળકી બોલિવૂડ સિંગર તોશી અને શારિબ સાબરીની ભત્રીજી છે. બાળકીનું નામ હયા છે.

આ વાતની જાણકારી શારિબ સાબરીના ઇંસ્ટાગ્રામ પેજ પર મળી છે. જ્યાં હયાના અનેક વીડિયો અપલોડ કરવામાં આવ્યા છે. જેમાં તે નમાઝ પઢે છે. તો કેટલાક વીડિયોમાં પોતાના મામા સાથે મસ્તી કરે છે. ત્યારે આ મામલામાં હયાના મામા અને સિંગર તોશીનું કહેવું છે કે વિરાટ કોહલી અને શિખર ધવન હયા વિશે જાણતા નથી. અને તેમના પરિવારને ખબર નહોતી કે આ વીડિયો વાઇરલ થઇ જશે. હયાની માતા વીડિયોમાં જણાવવા માગતી હતી કે હયા કેટલી જીદ કરે છે. પરંતુ આ વીડિયો પરિવારમાંથી બહાર લીક થઇ ગયો. અને તે હાલ વાઇરલ થઇ ગયો.