વડોદરાઃ વડોદરાના કારેલીબાગ વિસ્તારમાં એક સોસાયટીમાં ધોળા દિવસે લૂંટની ઘટના બની છે. એક મકાનમાં બે બુકાની ધારી ત્રાટક્યા હતા. અને ઘરમાં મહિલાની એકલતાનો લાભ ઉઠાવી લૂંટને અંજામ આપ્યો છે. બન્ને બુકાનીધારીએ મહિલાને ચપ્પુ બતાવીને બંધક બનાવી અને બાદમાં ઘરમાં લૂંટ ચલાવી.
જેમાં 5 હજાર રૂપિયા રોકડા ચાંદીના સિક્કા અને મંગળસૂત્ર 2 બંગડીની લૂંટ કરીને લુટારૂઓ ફરાર થઈ ગયા છે. લૂંટની જાણ થતાં જ કારેલીબાગ પોલીસ ઘટનાસ્થળે દોડી આવી હતી. અને મકાનમાં તપાસ હાથ ધરી છે.