પીએમ નરેદ્ર મોદી અને જાપાનના પીએમ શિંઝો આબે અમદાવાદ આવી રહ્યા છે. તે પૂર્વે માર્ગો પર તમામ સુરક્ષા વ્યવસ્થાને આખરી ઓપ આપી દેવામાં આવ્યો છે. રોડ શોના માર્ગ પર ચુસ્ત બંદોબસ્ત ગોઠવવામાં આવ્યો છે.
PM મોદી અને શિંઝો આબે ગુજરાતની મુલાકાતને પગલે શહેરમાં ચુસ્ત બંદોબસ્ત ગોઠવી દેવામાં આવ્યો હતો. બંને મહાનુભાવોના આગમનને પગલે કોઇ અનિચ્છનીય બનાવ ન બને તેવી ખાસ તકેદારી રાખવામા આવી છે. સમગ્ર અમદાવાદ પોલીસ છાવણીમાં ફેરવાયુ છે. ઠેર-ઠેર પોલીસ બંદોબસ્ત ગોઠવવામાં આવ્યો છે.
ઉલ્લેખનીય છે કે ભારતના વડાપ્રધાન અને જાપાનના વડાપ્રધાન અમદાવાદ ખાતે રોડ-શો કરવાના હોવાથી બંનેની સલામતીમાં કોઇ કચાસ ના રહે તેમાંટે અમદાવાદ સહિત બહારની પોલીસ પણ બોલાવવામાં આવી છે. આશરે 2500 પોલીસની ફોજ રોડ-શો પર સતત ચાંપતી નજર રાખશે.