રાકેશ અસ્થાના સાથે કરોડોની લેતીદેતી થયાનો ઘટસ્ફોટ શું છે મામલો?

વડોદરામાં સ્ટર્લિગ ગૃપના સંચાલકો અને રાકેશ અસ્થાના વચ્ચે કરોડો રૂપિયાના બેનામી નાણાંકીય વ્યવહાર થયો હોવાનું બહાર આવ્યુ છે. સ્ટર્લિંગ ગૃપમાં આવકવેરાના દરોડામાં મળેલ ડાયરીમાં ઘટસ્ફોટ થયો છે. કંપનીના ડાયરેકટર અજય પંચાલ પાસેથી વર્ષ 2011માં થયેલા બેનામી નાણાંકીય વ્યવહાર અંગેની ડાયરીમાં ઘટસ્ફોટ થયો છે. 

જે આધારે ઇન્કમટેકસના ત્રણ અધિકારી અને સ્ટર્લિંગ ગૃપના સંચાલકો નીતિન સાંડેસરા ચેતન સાંડેસરા સહિત એક ડઝનથી વધુ વ્યક્તિઓએ કરેલી નાણાંકીય લેવડદેવડ અંગે CBIએ ફરિયાદ નોધી હતી. 2011ની ડાયરીમાં કેટલાક IAS IPS IRS કક્ષાના ઉચ્ચ અધિકારીઓ સાથે પણ સ્ટર્લિગ ગૃપના સંચાલકોએ બેનામી નાણાકીય વ્યવહાર કર્યો હોવાનું જણાઇ આવ્યુ હતું. 

બિહારની સ્ટેટ બેંક ઓફ ઇન્ડિયાની શાખામાં રાકેશ અસ્થાનાના 3 ખાતામાં નાણાની હેરાફેરી થઇ હતી. રાકેશ અસ્થાનાના બિહાર રાજ્યના જમુઇ જિલ્લાના ખાદીગ્રામ સિટિની સ્ટેટ બેંક ઓફ ઇન્ડિયામાં ત્રણ અલગ અલગ બેન્ક એકાઉન્ટમાં કરોડો રૂપિયા જમા થયા હોવાનું વર્ષ 2011ની ડાયરીમાં નોંધ છે. 

વર્ષ 2010-11માં વડોદરા ખાતે રાકેશ અસ્થાના ફરજ બજાવતા હતા ત્યારે તેમને સ્ટર્લિગ ગૃપ કંપનીએ કરોડો રૂપિયા આપ્યા હતા જે બિહારના બેન્ક એકાઉન્ટમાં જમા થયા હતા. રાકેશ અસ્થાનાના ખાદીગ્રામ સીટીની સ્ટેટ બેંક ઓફ ઇન્ડિયામાં ત્રણ બેન્ક એકાઉન્ટ છે.
  
વડોદરાના સ્ટર્લિંગ ગ્રુપ અને તત્કાલિન પોલીસ કમિશનર રાકેશ અસ્થાના વચ્ચે કરોડો રૂપિયાના બેનામી વ્યવહાર. આવકવેરા વિભાગની તપાસમાં ઘટસ્ફોટ.

શું છે મામલો?