કચ્છના ગામડામા પાકિસ્તાનના મોબાઇલ અને FM રેડિયો સિગ્નલ

કચ્છની સરહદ સ્વેદનશીલ થતી જાય છે. અહીં બનતી ઘટનાઓ કંઈક સૂચવે છે તેવામાં કચ્છની સરહદને નજીક આવેલા ગ્રામ્ય વિસ્તારોમાં પાકિસ્તાનના મોબાઈલ નેટવર્ક તેમજ એફ.એમ રેડિયો ના સિગ્નલ પકડાય છે.

કચ્છ બોર્ડર પર એલર્ટ એ કોઇ નવી વાત નથી. પરંતુ છેલ્લા બે મહિનામાં સેટેલાઇટ સીગ્નલથી લઇ શંકાસ્પદ ગતીવીધીને પોલિસ સહિત તમામ સુરક્ષા એજન્સીઓ ગંભીરતાથી લઇ રહી છે. તેમાય પહેલા સેટેલાઇટ સિગ્નલ ત્યાર બાદ બોટ પર સવાર ચાર શંકમદો બોટ મુકી જવાની ધટના અને ત્યાર બાદ એજન્સીને મળેલા ઇનપુટ પર હાલ તમામ સુરક્ષા એજન્સી કામ કરી રહી છે. અને જીણવટભરી તપાસ કરી રહી છે. તેવામાં કચ્છની સરહદે આવેલા ગ્રામ્ય વિસ્તારોમાં ભારતીય મોબાઇલ નેટવર્ક કરતા પણ અહીં પાકિસ્તાની મોબાઈલ નેટવર્ક સારું પકડે છે.અહીંના લોકો ને પાકિસ્તાની એફ.એમ રેડિયો પણ સ્પષ્ટ પણે સાંભળવા મળે છે.

કચ્છના સરહદી ગામડાઓમાં પાકિસ્તાની મોબાઈલ નેટવર્ક તેમજ પાકિસ્તાની એફ.એમ. રેડિયો ના સિગ્નલ આવતા હોવાથી આ વિસ્તારના લોકોમાં અચરજ સર્જાઈ છે. આ વિસ્તારમા લોકોની અચરજ વચ્ચે વિટીવી ની ટીમે આ વિસ્તારની મુલાકાત લઈ જાણવાનો પ્રયાશ કર્યો હતો કે ખરેખર આ વિસ્તારમાં આવી કોઈ ઘટનાઓ બને છે કે કેમ.ત્યાં વિટીવીની ટીમના મોબાઈલમાં પાકિસ્તાની મોબાઈલ નેટવર્ક " જોંગ" સ્પષ્ટ પણે મોબાઈલમાં દેખાયો. ત્યારબાદ વિટીવીની ટીમે એફ.એમ. રેડિયો ના સિગ્નલ બાબતે તપાસ કરતા ત્યાં સ્થાનીકે વિટીવીની ટીમની કારમાં તે રેડિયો પણ સ્પષ્ટ પણે સાંભળવા મળ્યું.

આ સમગ્ર વિસ્તારમાં અનેક વખત થુંરિયા સેટેલાઇટ ફોનના સિગ્નલ કેટલી વાર ટ્રેસ થયા છે. તેવામાં  આ વિસ્તારમાં આમ પાકિસ્તાની મોબાઈલ નેટવર્કના સિગ્નલ  ખુબજ સારી રીતે  મળી આવતા આ સરહદેથી કોઈ અનિચ્છનિય ઘટના ન બને તે માટે સુરક્ષા એજન્સીઓએ આ બાબત ને ધ્યાને લઇ વહેલા સર કાર્યવાહી કરવી જોઈએ.