કરાચીઃ પાકિસ્તાને અફઘાન યુદ્ધમાં તેને બલિનો બકરો બનાવવા વિરૂદ્ધ અમેરિકાને ચેતવ્યું છે. સાથે જ અમેરિકી રાષ્ટ્રપતિ ડોનાલ્ડ ટ્રમ્પની ટિપ્પણીને નકારી દીધી છે કે પાકિસ્તાન આતંકવાદીઓને સુરક્ષિત છુપાવાની જગ્યા પૂરી પાડે છે. રાષ્ટ્રીય સુરક્ષા સમિતિની પાંચ કલાક લાંબી ચાલેલી બેઠક બાદ પ્રધાનમંત્રી શાહિદ ખાકાન અબ્બાસીએ કહ્યું પાકિસ્તાન પર અમેરિકાનું અભિગમ ગંભીર વિષય છે. ટોચના નાગરિક અને લશ્કરી નેતૃત્વએ પાકિસ્તાનને બલિનો બકરો બનાવવા વિરૂદ્ધ અમેરિકાને સાવધાન કર્યું છે અને કહ્યું છે કે અફઘાનિસ્તાનમાં સ્થિરતા લાવવામાં મદદ નહીં મળે.