ઇસ્લામાબાદઃ નાપાક પાકિસ્તાનને હવે સમજાઈ ગયું છે કે આતંક સામે પગલા ભરવા જ પડશે. નહીં તો દુનિયામાં પાકિસ્તાનનું કોઈ અસ્તિત્વ નહીં રહે. પાકિસ્તાને હવે સમજણ આવી છે અને આતંકી સંગઠન જમાત-ઉલ-દાવા પર પ્રતિબંધ લગાવ્યો છે. આતંકી હાફિદ સઈદનું જમાત ઉલ દાવા સંગઠન છે.
સાથે પાકિસ્તાન સરકારે જમાત ઉલ દાવાને ફંડ લેવા પર પણ પ્રતિબંધ લગાવ્યો છે. મહત્વનું છે કે અમેરિકાએ આતંકીઓને છાવરવાને લઈ પાકિસ્તાનની આકરા શબ્દોમાં ઝાટકણી કાઢી હતી જેને લઈ પાકિસ્તાને આ પગલુ ભર્યું છે. આતંકી હાફિઝ સઈદ મુંબઈમાં થયેલા 26/11ના હુમલાનો માસ્ટર માઈન્ડ છે.
અત્રે ઉલ્લેખનયી છે કે અમેરિકાના રાષ્ટ્રપતિ ડોનાલ્ડ ટ્રમ્પે પાકિસ્તાનને ઝટકો આપ્યો હતો. ટ્રમ્પે કહ્યું કે અમેરિકાએ પાકિસ્તાનને 15 વર્ષમાં 33 અરબ ડોલરની મદદ કરી છે. જેમાં પાકિસ્તાનમાં ચાલતી આતંકી પ્રવૃતિઓને નાબૂદ કરવાની વાત હતી. તેના પર પાકિસ્તાને પોતાનું વલણ સ્પષ્ટ કર્યું નથી. જેના કારણે ટ્રમ્પ પાકિસ્તાન પર ગુસ્સે ભરાયા છે. તેમણે પાકને મળતી સહાય પર રોક લગાવી દીધી છે.