VIDEO: NRI બાળકી મોત મામલો આરોપીની લુખ્ખાગીરીનો VIDEO વાયરલ

ખેડામાં માસૂમ એનઆરઆઈ બાળકીને મોતને ઘાટ ઉતારનાર આરોપી મિત પટેલની ધરપકડ બાદ હવે તેનો એક વાયરલ વીડિયો સામે આવ્યો છે.  આ વીડિયોમાં આરોપી મિત પટેલની લુખ્ખાગીરી જોઈ શકાય છે. વીડિયોમાં આરોપી મિત પટેલ એક ફિલ્મનો ડાયલોગ બોલી રહ્યો છે. તે વીડિયોમાં કહી રહ્યો છે કે મને પકડવાની વાત તો છોડો. કોઈ મને ટચ પણ ન કરી શકે.

આરોપી મિત પટેલનો આ લુખ્ખાગીરી વાળો વીડિયો સામે આવ્યા બાદ લોકો તેના પ્રત્યે ફિટકાર વરસાવી રહ્યા છે. 7 વર્ષની માસૂમ બાળકીને નિર્દયતાપૂર્વક મોતને ઘાટ ઉતારનાર આરોપી મિત પટેલ પ્રત્યે લોકો આક્રોશ એટલો વધી ગયો છે કે જ્યારે તેને કોર્ટમાં રજૂ કરાયો ત્યારે એક ગુસ્સે ભરાયેલા યુવકે તેને તમાચો ચોડી દીધો હતો.