આતંકી હાફિઝ સઇદની સાથે મળીને ચૂંટણી લડવા માટે તૈયાર છે મુશર્રફ

ઇસ્લામાબાદ: પાકિસ્તાનના પૂર્વ રાષ્ટ્રપતિ પરવેઝ મુશર્રફે કહ્યું છે કે એ આંતરરાષ્ટ્રીય આતંકી અને 26/11 હુમલાનો માસ્ટરમાઇન્ડ હાફિઝ સઇદની સાથે આવતાં વર્ષે થનારી સામાન્ય ચૂંટણીમાં ગઠબંધન માટે તૈયાર છે. 

પૂર્વ સૈન્ય તાનાશાહ પરવેઝ મુશર્રફે ગત મહિને મોટું ગઠબંધનની જાહેરાત કરી હતી જેમાં સુન્ની તહરીક મજલિસ એ વહાતુદુલ મુસલમીન પાકિસ્તાન આવામી તહરીક અને મુશર્રફની પોતાની ઓલ પાકિસ્તાન મુસ્લિમ લીગ સહિત આશરે 2 ડઝન પાર્ટીઓનો સામેલ છે. જો કે આ ગઠબંધનના આગળના દિવસે મોટી સહયોગી પાર્ટીઓએ પોતાને અલગ કરી દીધી હતી. 

આતંરરાષ્ટ્રીય સ્તર પર આતંકી જાહેર થઇ ગયેલા હાફિઝ સઇદે ગત શનિવારે જ જાહેરાત કરી હતી કે એ 2018માં થનારી સામાન્ય ચૂંટણી લડશે. સઇદે આ જાહેરાત નજરકેદથી મુક્ત થયાના થોડાક દિવસ પછી કરી. જમાત ઉદ દાવાએ આ વર્ષે ઓગસ્ટમાં મિલી મુસ્લિમ લીગ નામની રાજકીય પાર્ટીનું ગઠન કર્યું હતું.