વિશ્વની ત્રીજી અને યુરોપની સૌથી મોટી અર્થવ્યવસ્થા ધરાવતો દેશ છે જર્મની. પરંતુ હાલ આ દેશ લેબર શોર્ટેજ અને વૃદ્ધાવસ્થાની બેવડી સમસ્યાઓ સાથે સંઘર્ષ કરી રહ્યો છે. એક અંદાજ અનુસાર, જર્મનીમાં હાલ 700,000 જગ્યાઓ ખાલી છે અને 2035 સુધીમાં 70 લાખ કુશળ કામદારોની અછત સર્જાશે. ત્યારે હવે આ અછતને દૂર કરવા માટે દેશની નજર આંતરરાષ્ટ્રીય વિદ્યાર્થીઓ પર છે. લગભગ 43,000 ભારતીય વિદ્યાર્થીઓ હાલમાં જર્મનીમાં અભ્યાસ કરી રહ્યા છે, જે કુલ વિદ્યાર્થીઓની વસ્તીના લગભગ 14 ટકા છે. આવી સ્થિતિમાં ભારતીયો પાસે આ તકનો લાભ ઉઠાવવાની મોટી તક છે.
દેશમાં લેબર શોર્ટેજની સમસ્યા દૂર થઈ શકે એ માટે જર્મની હવે આ વિદ્યાર્થીઓને પોતાની સાથે જોડવા માટે નિયમોમાં ફેરફાર કરી રહ્યું છે. જર્મની અત્યારે અમેરિકા અને ચીન પછી વિશ્વની ત્રીજી સૌથી મોટી અર્થવ્યવસ્થા છે. ડોઇશ વેલેના અહેવાલ મુજબ, દેશમાં હાલમાં લગભગ 700,000 જગ્યાઓ ખાલી છે, જેના કારણે દેશના આર્થિક વિકાસને અસર થઈ રહી છે.
જર્મનીના અર્થતંત્ર મંત્રી રોબર્ટ હેબેકનું કહેવું છે કે દેશમાં લેબર શોર્ટેજને પહોંચી વળવામાં વિદેશી કામદારો મહત્ત્વની ભૂમિકા ભજવી શકે છે. નિષ્ણાતોનું કહેવું છે કે જર્મનીમાં ભણતા ભારતીય વિદ્યાર્થીઓને દેશમાં જ તક આપીને લેબર શોર્ટેજ દૂર કરી શકાય છે. આંતરરાષ્ટ્રીય વિદ્યાર્થીઓને આદર્શ પ્રવાસીઓ ગણવામાં આવે છે કારણ કે તેઓ દેશ અને તેની ભાષા સારી રીતે જાણે છે. જો કે, તેના બીજા કેટલાક પડકારો પણ છે.
નીતિઓમાં બદલાવની જરૂર
આ ડેમોગ્રાફિક ડિવિડન્ડનો ફાયદો ઉઠાવવા માટે, જર્મનીએ સ્કીલ્ડ ઈમિગ્રેશન એક્ટ બનાવ્યો છે, જે આંતરરાષ્ટ્રીય વિદ્યાર્થીઓને અઠવાડિયામાં 20 કલાક સુધી કામ કરવાની મંજૂરી આપે છે. તેનો ઉદ્દેશ્ય માત્ર કુશળ લોકોને આકર્ષવાનો જ નથી પરંતુ પ્રતિભાથી ભરપૂર વર્કફોર્સ તૈયાર કરવાનો પણ છે. જર્મનીની ખાસ કરીને એવા લોકો પર નજર છે જેઓ આઈટી અને એન્જિનિયરિંગની ડિગ્રી મેળવવા માટે અભ્યાસ કરી રહ્યા છે. દેશમાં ખાસ કરીને આ ક્ષેત્રોમાં લેબરની ભારે અછત છે. સ્કીલ્ડ ઈમિગ્રેશન એક્ટની જોગવાઈઓ હોવા છતાં, જર્મન શિક્ષણ પ્રણાલીમાં ઘણી જટિલતાઓ છે. ઉપરાંત, તે સ્પષ્ટ નથી કે ગ્રેજ્યુએશન પછી કાનૂની પ્રક્રિયા શું હશે.
વધુ વાંચો: UK માં સ્ટુડન્ટ કે વર્ક વિઝા પર જવું છે? જાણો જવા માટે કેટલો ખર્ચ થશે
યુનિવર્સિટી ઓફ રેજેન્સબર્ગના રોજગાર સંશોધન નિષ્ણાત પ્રોફેસર એન્ઝો વેબરે જણાવ્યું કે આ કાયદો અસરકારક રહેશે કે નહીં તે ડિજીટાઇઝેશન અને પ્રેક્ટિકલ ઇન્ટીગ્રેશન જેવા ફેકટર્સ પર આધાર રાખે છે. વળી, જર્મનીની વસ્તીમાં ઘટાડો થવાને કારણે મામલો વધુ ગંભીર બની રહ્યો છે. દેશમાં જન્મ દર માત્ર 1.4 છે. આવી સ્થિતિમાં દેશ માટે આંતરરાષ્ટ્રીય પ્રતિભાની જરૂરિયાત અનુભવાઈ રહી છે. પ્રોફેસર વેબર કહે છે કે જર્મનીએ આંતરરાષ્ટ્રીય પ્રતિભાઓ માટે રસ્તો સાફ કરવા માટે દેશની નીતિઓ બનાવવી જોઈએ. જર્મનીએ કેનેડા જેવા દેશો પાસેથી શીખવાની જરૂર છે જેણે આંતરરાષ્ટ્રીય વિદ્યાર્થીઓને તેમની વર્કફોર્સમાં સામેલ કરવા માટે નીતિઓ બનાવી છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
