સફળતા / અમદાવાદના રિક્ષાચાલકની દીકરીની મહેનત રંગ લાવી, 12 સામાન્ય પ્રવાહમાં મેળવ્યા 99.82 PR

કદમ અસ્થિર હોય તેને રસ્તો જડતો નથી, અડગ મનના માનવીને હિમાલય પણ નડતો નથી..આ વાતને સાર્થક કરી છે અમદાવાદના એક રીક્ષાચાલકની છોકરીએ.. આ છોકરી એટલે તન્વી ઠાકોર.. જેણે ધોરણ 12 સામાન્ય પ્રવાહની પરીક્ષામાં 94.27 ટકા મેળવ્યા છે.

તન્વીના પિતા રીક્ષાચાલક છે

તન્વીના પિતા રાત-દિવસ મહેનત કરીને રીક્ષા ચલાવે છે.. તન્વી જાણતી હતી કે પિતાજી કેટલો સંઘર્ષ કરીને તેને ભણાવી રહ્યા છે, પિતાની કેટલી આશાઓ પોતાની સાથે જોડાયેલી છે.. તન્વી તેમની આશાઓ પર ખરી ઉતરી છે, તેમના સંઘર્ષનું એવું વળતર તન્વીએ આપ્યું છે કે કે કોઇપણ પિતાની છાતી ગદગદ થઇ જાય.. તન્વી GPSC અને UPSC પાસ કરી સરકારી નોકરી કરવાની આશા રાખી રહી છે.

આ પણ વાંચોઃ પંચમહાલમાં NEETની પરીક્ષામાં ચોરીનું કાવતરું, શિક્ષકે 10 લાખના ખંખેર્યા, એક બાતમીથી ખેલ ઉઘાડો

સમાજમાં દીકરીઓને ભણાવવાને લઇને આવી છે જાગૃતિ

એ સારી વાત છે કે આપણા સમાજમાં હવે દીકરીઓને લઇને જાગૃતિ આવી છે.. દીકરીઓના અભ્યાસ પાછળ મા-બાપ પૂરતું ધ્યાન આપી રહ્યા છે.. બાકી એક સમય એવો હતો કે દીકરીને પારકી થાપણ ગણવામાં આવતી હતી અને એવુ માની લેવામાં આવતું હતું કે આને સાસરે જઇને ઘરનું કામ જ કરવુ છે ને.. તો ભણી-ગણીને શું કરવાનું ..હવે સમાજ આ ઘસાઇ ગયેલી વિચારધારામાંથી બહાર આવી રહ્યો છે. તન્વી ઠાકોર જેવી દીકરીઓ મા-બાપને એ બતાવે છે કે તેઓ તેમનો સંઘર્ષ એળે નહીં જવા દે.