BIG NEWS / IFFCO ડિરેક્ટરની ચૂંટણીમાં જયેશ રાદડિયાનો વિજય, બિપિન પટેલની હાર

ઈફકો ડિરેક્ટરની ચૂંટણીને લઈ મહત્વના સમાચાર સામે આવ્યા છે. બિપિન પટેલ સામે જયેશ રાદડિયાએ ઉમેદવારી કરી હતી. જે ડિરેક્ટરની ચૂંટણીમાં જયેશ રાદડિયાનો વિજય થયો છે. અત્રે જણાવીએ કે, 180માંથી જયેશ રાદડિયાને 113 મત મળ્યા છે.

છેલ્લી બે ટર્મથી જયેશ રાદડિયા ચૂંટાય છે

ઈફ્કોના બોર્ડ ઓફ ડિરેક્ટરની ચૂંટણીમાં છેલ્લી બે ટર્મથી જયેશ રાદડિયા ચૂંટાતા આવે છે. ત્યારે આ વર્ષે સહકારી ક્ષેત્રમાં ઉમેદવારની પસંદગીમાં મુશ્કેલી ઉભી થઈ હતી. જેમાં ભાજપે બિપીન પટેલને મેન્ડેટ આપ્યું હતું. છતાં જયેશ રાદડિયાએ ભાજપના મેન્ડેટ સામે ફોર્મ ભર્યું હતું. જેને લઈ જયેશ રાદડિયા અને પંકજ પટેલ વચ્ચે જંગ હતી.

વાંચવા જેવું: ભરૂચમાં CIDએ કરી પાકિસ્તાની જાસૂસની ધરપકડ, હનીટ્રેપનો શિકાર બન્યાનો ખુલાસો

સૌરાષ્ટ્રના મતદારોનો દબદબો રહ્યો

ઈફ્કોના ડિરેક્ટરની ચૂંટણીમાં ભાજપે બિપીન પટેલને મેન્ડેટ આપ્યું હતું છતાં પણ જયેશ રાદડિયાએ ઉમેદવારી નોંધાવી હતી. ત્યારે મોડાસાના પંકજ પટેલે ત્રીજા ઉમેદવાર તરીકે ઉમેદવારી પરત ખેંચી હતી અને પંકજ પટેલે બિપીન પટેલને સમર્થન જાહેર કરી દીધું હતું. એકંદરે ઈફકોમાં સૌરાષ્ટ્રના મતદારોનો દબદબો રહેતો હોય છે ત્યારે જયેશ રાદડિયાએ સૌરાષ્ટ્રના મતદારોને તરફેણમાં વાળવામાં સફળ રહ્યા છે