બ્રેકિંગ ન્યુઝ
અમદાવાદમાં ઘૂસ્યા ચાર આતંકીઓ
વડોદરામાં માત્ર બે જ દિવસમાં 9 લોકોના મોત
ઈરાનના રાષ્ટ્રપતિનું મોત
આજે PM મોદીનો રોડ શો
અક્ષય કુમાર સહિતના કેટલાંક કલાકારોએ કર્યું મતદાન
આજે લોકસભા ચૂંટણીનું પાંચમાં તબક્કાનું મતદાન
બનાસકાંઠા રીક્ષા અને કાર ધડાકાભેર અથડાઇ
ગોધરા-આણંદ રેલવે ટ્રેકને ડબલ કરવાનું કામ, 14 દિવસ સુધી બંને મેમુ ટ્રેનના રૂટ રહેશે બંધ
પંચમહાલ: NEET ની પરીક્ષામાં પાસ કરાવવાના મામલે પોલીસે વધુ એક આરોપીની કરી ધરપકડ
અમદાવાદ: દરિયાપુરના મદરેસામાં સરવે કરવા ગયેલ શિક્ષક પર હુમલામાં બે આરોપીની ધરપકડ
Last Updated: 05:24 PM, 9 May 2024
શેરબજાર બહુ મોટા જોખમનો ધંધો છે અને આ વાતનું ઉદાહરણ આજે જોવા મળ્યું. ગુરુવારે શેરબજારમાં મોટો બ્લડબાથ જોવા મળ્યો હતો. નિફ્ટી 345 પોઈન્ટ ઘટીને 22,000થી નીચે આવી ગયો હતો અને સેન્સેક્સ 1062 પોઈન્ટ ઘટીને 72,404 ના સ્તર પર બંધ થયો હતો.
ADVERTISEMENT
આજનો કડાકો અઠવાડિયાનો સૌથી મોટો
ગુરુવારનો કડાકો અઠવાડિયાનો સૌથી મોટો કડાકો છે. છેલ્લા પાંચ ટ્રેડિંગ સેશનમાં સેન્સેક્સ 75000થી ઘટીને 72 હજારની નજીક પહોંચી ગયો છે, જ્યારે નિફ્ટી 22,750થી તૂટીને 21,957 પર બંધ થયો છે.
ADVERTISEMENT
25 શેરોમાં મોટો ઘટાડો
બીએસઈ લિસ્ટેડ ટોચના 30 શેરોમાંથી 25 શેરોમાં મોટો ઘટાડો જોવા મળ્યો છે. માત્ર 5 શેરોમાં વધારો થયો હતો. ટાટા મોટર્સના શેરમાં લગભગ 2 ટકા, મહિન્દ્રા એન્ડ મહિન્દ્રાના શેરમાં 1.48 ટકા, એસબીઆઇના શેરમાં 1.27 ટકા અને ઇન્ફોસિસ, એચસીએલના શેરમાં નજીવો વધારો થયો છે.
સૌથી મોટો ઘટાડો એલએન્ડટીના શેરમાં 5.56 ટકા
સૌથી મોટો ઘટાડો એલએન્ડટીના શેરમાં જોવા મળ્યો હતો. આ પછી, એશિયન પેઇન્ટ્સ, જેએસડબ્લ્યુ સ્ટીલ, આઇટીસી, બજાજ ફાઇનાન્સ અને ઈન્ડસઇન્ડ બેંકના શેરમાં 5 ટકા સુધીનો ઘટાડો થયો છે.
કયા કારણોસર બોલ્યો આટલો મોટો કડાકો
શરુઆતનું ટ્રેડિંગ સારુ રહ્યું પરંતુ ત્યાર બાદ જોરદાર પ્રોફિટ બુકિંગને કારણે વેચવાલી હાવી થઈ જતાં બજાર ધરાશાયી થઈ ગયું હતું અને રોકાણકારોના 7 લાખ કરોડ ડૂબી ગયાં હતા. કેટલીક કંપનીઓના નબળા પરિણામોને કારણે પણ શેરબજારમાં ઘટાડો નોંધાયો છે. નિફ્ટીની પણ માર્કેટ પર નેગેટિવ અસર પડી હતી. રિલાયન્સ ઈન્ડસ્ટ્રીઝ (આરઆઇએલ) અને લાર્સન એન્ડ ટુબ્રો (એલએન્ડટી)એ બજારના કડાકામાં મોટી ભૂમિકા ભજવી છે.
વધુ વાંચો : 'બચાવી લો સાહેબ, નહીંતર રજની મને ધંધો કરાવશે', વૈશ્યાવૃતિથી આવી રીતે બચી મહિલાઓ
રોકાણકારોના ઉડ્યાં 7.3 લાખ કરોડ
શેરબજારમાં પૈસા રોકનારાને રાતા પાણીએ રોવાનો વારો આવ્યો છે. મોટા કડાકામાં રોકાણકારોએ 7.3 લાખ કરોડ ગુમાવ્યાં હતા. ગુરુવારે બીએસઈ લિસ્ટેડ કંપનીઓની માર્કેટ કેપ 7.3 લાખ કરોડ રૂપિયા ઘટીને 393.73 લાખ કરોડ રૂપિયા પર પહોંચી ગઈ છે, જે એક દિવસ પહેલા 400 લાખ કરોડ રૂપિયાના આંકડા પર હતી.
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
ADVERTISEMENT
ટોપ સ્ટોરીઝ
ADVERTISEMENT