આધાર નંબરને મોબાઇલ નંબર અન બેંક એકાઉન્ટ સાથે લિંક કરાવવું ખૂબ જરૂરી થઇ જશે. જો તમે આધાર નંબર લિંક નહી કરાવો તો તમારા મોબાઇલ નંબર ઉપરની સેવા બંધ થવાની પૂરેપૂરી શક્યતા છે. સુપ્રીમ કોર્ટે આધાર નંબર અને બેંક એકાઉન્ટ સાથે લિંક કરાવવા માટેની અંતિમ તારીખ 31 માર્ચ 2018 સુધીની લંબાવી છે. પરંતુ મોબાઇલ સાથે આધાર લિંક કરાવવાની પ્રક્રિયા 1 જાન્યુઆરીથી વધારે સરળ થઇ જશે.
મોબાઇલ નંબરને ઘરે બેઠા આધાર કાર્ડ સાથે લિંક કરાવવા માટે 1 ડિસેમ્બરથી નવી સેવા શરૂ થવાની હતી પરંતુ તે શક્ય બન્યુ ન હતું. પરંતુ નવા વર્ષે તમને ઘરે બેઠા મોબાઇલ નંબર લિંક કરવાની સુવિધા મળશે. વાસ્તવમાં ટેલિકૉમ ઓપરેટર્સ પહેલાથી કહી રહ્યા છે કે તેમણે નવી વ્યવસ્થાને તૈયાર કરવા માટે થોડોક સમય લાગશે. ટેલિકૉમ મિનિસ્ટ્રીએ કહ્યુ કે 1 જાન્યુઆરીથી ઘરે બેઠા મોબાઇલ નંબર લિંક કરાવવાની સુવિધા આપવામાં આવશે.
એક રિપોર્ટ અનુસાર. ટેલિકૉમ કંપનીઓએ ડિસેમ્બરથી આ માટે કામ કરવાનું શરૂ કરી દીધુ છે. એવામાં તમને જાન્યુઆરીથી મોબાઇલ નંબરને આધાર કાર્ડ સાથે લિંક કરવાની સુવિધા મળી જશે. આ કામ IVRS અને OTP ની મદદથી થઇ શકશે.
રિપોર્ટ અનુસારઘરે બેઠા મોબાઇલ નંબરને આધારથી લિંક કરાવવા માટે તમારે જે નંબરને લિંક કરવાનો છેતે કંપનીના IVRS નંબર પર કોલ કરવાનો રહેશે. આ કોલ કર્યા બાદ તમારી ડિટેઇલ લેવામાં આવશે અને વન ટાઇમ પાસવર્ડ (OTP) મોકલવામાં આવશે. આ OTP એન્ટર કરતાં જ તમારો આધાર નંબર તમારા મોબાઇલ નંબર સાથે લિંક થઇ જશે.
આ સિવાય એન્ટોલમેન્ટ સેન્ટર જઇને મોબાઇલ નંબરને આધાર નંબર સાથે લિંક કરાવવાનો વિકલ્પ તો છેઆ માટે તમારે ટિલકૉમ ઑપરેટરના રિટેલ સેન્ટર પણ જઇ શકો છો.