ઇન્ડિયન નેવીને મળી પહેલી સ્કાર્પીન સબમરીન કલવરી જાણો સબમરીનની ખાસીયતો...

નવી દિલ્હીઃ ભારતની નૌસેનામાં પહેલી સ્કાર્પીન ક્લાસની સબમરીન કલવરી સામેલ થઈ ગઈ છે. ગુરુવારના રોજ માજગાંવ ડોક શિપબિલ્ડર લિમિડેટએ નૌસેનાને આ સબમરીન હસ્તક કરી દિધી છે. આ સબમરીનનું નિર્માણ મેક ઈન ઈન્ડિયા પ્રોજેક્ટ અંતર્ગત કરવામાં આવ્યું છે. આને ખુબ જ ઝડપી ભારતીય નૌસેનામાં શામિલ પણ કરી લેવામાં આવશે.

તમને જણાવી દઈએ કે ભારતીય સબમરીન ઓપરેશન્સના પંચાસ વર્ષની ગોલ્ડન જુબલીના રૂપમાં મનાવી રહ્યું છે. ત્યારે આ સબમરીનની સામેલતાની ભવ્યતાથી ઉજવણી કરાશે.

સબમરીનની ખાસીયતો  

સ્કાર્પીન સબમરીને એ રીતે ડિઝાઈન કરવામાં આવી છે કે આ બહુબધા અભિયાનોમાં ભાગ લઈ શકે છે. જેમ કે વિરોધી સપાટીનું યુધ્ધ વિરોધી સબમરીન યુધ્ધ ઈન્ટેલીજન્સ ભેગા કરવા ક્ષેત્ર સર્વેલન્સનું કામ કરવું. આ સાથે કલવરી બધી જાતના થિયેટરમાં કામ કરી શકે છે. આનો મતલબ છે કે નૌસેનાના ટાસ્ક ફોર્સને સાથે રાખીને આ કામ કરી શકે છે.