ભુજ: અફાટ રણમાં હવાના સહારે ભારતીય સેનાનું નૌકાયાન અભિયાન પ્રારંભ

ભુજઃ ઇન્ડિયન આર્મીના જવાનો રાષ્ટ્રીય તથા આંતરરાષ્ટ્રીયક્ષેત્રે અનેક રમતોમાં સાહસિકતા દાખવી મેડલો જીત્યા છે. જવાનોએ ભારતનું નામ રોશન કર્યું છે. ત્યારે ભારતીયો માટે ગર્વ સમાન કહી શકાય તેવી રસ્તા પર હવાના સહારે ચાલતી નોકા યાનની ટીમ સમગ્ર એશીયામાં એક માત્ર ભારતીય આર્મી પાસે છે. 

મહત્વનું છે કે ગણતંત્ર દિનની ઉજવણી ભારતમાં કરાઈ રહી હતી. ત્યારે ભારતીય આર્મીના સાહસિક જાંબાજોની હવાના સહારે 500 kmની યાત્રાનો પ્રારભ ધોરડો સ્થિત રણથી આર્મીના અધિકારીએ ફલેગ સાથે કરાવ્યો હતો. ભારતીય આર્મી તથા નેવી હવાઈ દળમાં યુવાનાને જોડાવા પ્રોત્સાહન મળે તે હેતુથી ધોરડોથી ભારતીય આર્મીના ૧૨ જવાનોની બે ટીમ સાથે નવ દિવસીય સાહસિક અને રોમાંચક નોકા યાન અભિયાનનો પ્રારંભ કરાયો હતો. 

આર્મીની એડવેંચર વિંગ અંતર્ગત ભુજની નૌકા યાન ટીમના માધ્યમથી ફસ્ટ ઈન બેટલ બ્રિગેડ તથા અન્ય રેજીમેન્ટના જવાનોની હાજરીમાં પ્રારંભ થયેલી સાહસિક યાત્રામાં દરરોજના ૫૫ કિમીનું અંતર જવાનો કાપશે. કુલ સાત અલગ અલગ ચોકીમાં રાત્રી રોકાણ કરશે. કચ્છના વેરાન અફાટ રણમાં પવનતથા GPS સિસ્ટમના સહારે પરત ધોરડો તા.૩ના આવી પહોંચશે. આ રમતથી નવી પેઢીને ભારતીય સેનામાં જોડાવા માટે પણ પ્રોત્સાહિત કરાશે.

શું છે નૌકા યાન(લૈન્ડ યાચિંગ) ? 
આ નૌકા યાનનો અર્થ વાહણ થતો હોય છે. પણ આ યાનમાં કોઈ પણ પ્રકારનું ઈંધણનો ઉપયોગ થતો નથી. માત્ર હવાના સહારે સપાટ જમીન પર ચાલી શકે છે.જો હવા ન હોય તો હાથથી ઉચકી સરળતાથી ખસેડી શકાય છે. આ યાનમાં સઢ હેન્ડલ ત્રણ ટાયર તથા દોરીના સહારે ચલાવવામાં આવે છે. તેની સમગ્ર બનાવટમાં ૧૦થી વધુ દેશમાંથી સ્પેર પાર્ટસ મંગાવવામાં આવે છે.

આ યાનને દરિયાની ખારાશ કે રણની ખારાશથી કાંટ ન લાગે તનું ખાસ ધ્યાન રખાયુ છે. સમગ્ર યાન રૃા.૪.૫૦ લાખની કિંમત થાય છે. યુરોપીય ચૈમ્પીયનશીપમાં આર્મીની ટીમ ભાગ લે તેવા પ્રયાસો જરૃરી સમગ્ર એશીયામાં ભારતીય આર્મી પાસે જ માત્ર ટીમ અને ટ્રેનીંગ સન્ટર છે. ત્યારે આગામી સમયમાં યુરોપીય ચેમ્પીયનશીપમાં ભારતીય ટીમ ભાગ લે તેની માટે પ્રયાસો કરવામાં આવશે.