20 વર્ષ બાદ પાકિસ્તાન સરકારના મંત્રીમંડળમાં હિન્દૂ નેતા

લાહોરઃ પાકિસ્તાનના પ્રધાનમંત્રી શાહિદ ખકાન અબ્બાસીના નવા મંત્રીમંડળે શુક્રવારે શપથગ્રહણ કર્યા. નવા મંત્રીમંડળમાં કેટલાક જૂના સભ્યોની વાપસી થઇ છે. જો કે તેમના કાર્યભારમાં ઘણા બદલાવ કરવામાં આવ્યા છે. ત્યારે મંત્રીમંડળમાં 20 વર્ષમાં પ્રથમવાર પાકિસ્તાનમાં કોઇ હિન્દૂ મંત્રી બન્યો છે. મંત્રીમંડળમાં 46 સભ્યો છે. તેમાંથી 44 સભ્યોએ પોતાના પદ માટે શપથ લીધી છે. શપથ રાષ્ટ્રપતિ મમનૂન હુસૈને અપાવી હતી.

મંત્રીમંડળમાં સામેલ થયેવા દર્શન લાલને ચાર પાકિસ્તાની પ્રાંતો વચ્ચે સમન્વયની જવાબદારી સોંપવામાં આવી છે. 65 વર્ષના દર્શન લાલ સિંઘના ઘોટકી જીલ્લાના મીરપુર મૈથેલો શહેરમાં ડોક્ટર પણ છે. 2013માં તેઓ બીજી વાર પાકિસ્તાન મુસ્લિમ લીગ-નવાઝના ટીકિટ પર અલ્પસંખ્યકોની અનામત સીટથી નેશનલ એસેંબલી માટે ચૂંટાયા હતા.