વિધાનસભાની ચુંટણીને લઇ બુટલેગર બન્યા બેફામ ભચાઉમાંથી પકડાયો વિદેશી દારૂ

ગુજરાતમાં દારૂ-જુગારની બંધી છે ત્યારે પૂર્વ કચ્છમાં પોલીસે ચુંટણી નિમિત્તે સઘન તપાસ હાથ ધરતા ભચાઉ તાલુકાના ગોકુલધામ ગામમાં રહેણાક મકાનમાંથી 1.23 લાખનો અંગ્રેજી પ્રકારનો શરાબનો જથ્થો ઝડપી પાડયો હતો. 

પોલીસના સત્તાવાર સાધનો પાસેથી જાણવા મળતી વિગતો મુજબ પૂર્વ કચ્છ પોલીસવડા ભાવનાબેન પટેલના માર્ગદર્શન તળે ભચાઉ પોલીસની ટીમે ગત બપોરના અરસામાં ગોકુલધામ ગામમાં દરોડો પાડયો હતો.
 
આ તમામ જથ્થો આરોપી ભરત નારાણ આહીરના કબ્જામાંથી શરાબનો જથ્થો મળી આવ્યો હતો. પોલીસ દ્વાર કરવામા આવેલ કાર્યવાહી દરમ્યાન અંગ્રેજી શરાબની જુદી-જુદી બ્રાન્ડની 17 700ની કિંમતની 59 નંગ બોટલો અને 10 5600ની કિંમતના 1056 નંગ કવાર્ટરિયા સહિતનો જથ્થો કબ્જે કરાયો હતો. પોલીસે વધુ તપાસ હાથ ધરી છે.

ઉલ્લેખનીય છે કે ગુજરાત વિધાનસભાની ચુંટણી નજીક આવી રહી છે ત્યારે તંત્ર દ્વારા ઠેર-ઠેર તપાસ હાથ ધરવામાં આવે છે તથા હજુ થોડા સમય પહેલા જ કચ્છના દરિયા કાંઠેથી પાકિસ્તાની 6 બોટ સાથે કેટલાક પાકિસ્તાની નાગરિકોની ધરપકડ કરવામાં આવી હતી. 

આ તમામ ઘટનાઓને કારણે સ્થાનિક તંત્ર અને બોર્ડર પર કાર્યરત BSF સાબદું થઇને અસામાજિક પ્રવૃત્તિઓને ડામવાનો પ્રયાસ કરી રહ્યુ છે. ત્યારે પુર્વ કચ્છમાંથી 1.23 લાખની કિંમતનો વિદેશી દારૂ પકડાતા પોલીસે સઘન તપાસ હાથ ધરી આ દારૂ ક્યાંથી આવ્યો છે અને કોના કહેવાથી લાવવામાં આવ્યો છે તે માંટે આરોપીની ધરપકડ કરીને પુછપરછ હાથ ધરી હતી.