છોટાઉદેપુર જિલ્લાના પાવીજેતપુર તાલુકાના રતનપૂર ગામ પાસેની પ્રેમવતી હોટેલના પાછળના ભાગમાં એક દીપડાનું બચ્ચું નજરે પડતાં લોકોમાં કુતૂહલ સાથે ભય વ્યાપી ગયો હતો.જેને જોવા માટે લોકોના ટોળે-ટોળાં ઉમટી પડ્યા હતા.
આ બાબતની જાણ વન વિભાગને કરાતાં વનવિભાગના કર્મચારી પાંજરું અને જાળ લઈ ઘટના સ્થળ પહોચ્યા હતા. હોટેલની પાછળ આવેલા વાડાના ભાગમાં કે જ્યાં લાકડા મૂકવા માં આવ્યા હતા તેની નીચે દીપડાનું બચ્ચું ભરાઈ ગયું હતું.
જંગલ ખાતાના કર્મચારીઓએ લોકોની રેસક્યું ટીમની મદદ લઈ કલાકોની મહેનત બાદ લાકડા નીચે સંતાયેલા દીપડાને પકડી પાડવામાં સફળતા મળી હતી.દીપડાને પકડી પડાતાં સ્થાનિકોએ હાશકારો અનુભવ્યો હતો.