તમારા કામનું / વોટ નાખવા જતા પહેલા આટલું ખાસ ચેક કરી લેજો, નહીંતર પોલિંગ બૂથમાં નહીં મળે એન્ટ્રી!

દેશમાં લોકસભાની ચૂંટણી ચાલી રહી છે અને બે તબક્કાનું મતદાન પૂર્ણ થઈ ચુક્યું છે. હજુ બીજા 5 તબક્કાના મતદાન બાકી છે અને એવામાં કેટલીક ખાસ મતદાન અંગેની કેટલીક ખાસ બાબતો જાણીએ. તમારી પાસે મતદાન મથકની સંપૂર્ણ માહિતી હોવી ફરજિયાત છે અને ખાસ વાત એ છે કે તમે ઘરે બેસીને આ કરી શકો છો. આ માટે તમારે ઓફિશિયલ સાઇટ પર જવું પડશે.

ઘણી વખત એવું બને છે કે જો તમે મતદાન મથકની તપાસ કર્યા વિના નજીકના અથવા જૂના મતદાન મથક પર પહોંચી જાવ છો, તો તમને પ્રવેશવા દેવામાં આવશે નહીં. આજે અમે તમને પોલિંગ બૂથ ચેક કરવાની ઓનલાઈન પ્રક્રિયા જણાવવા જઈ રહ્યા છીએ. તેની મદદથી, તમે ઘરે બેઠા દરેક માહિતીની તપાસ ખૂબ જ સરળતાથી કરી શકશો.

ઓફિશિયલ સાઇટ પર ચેક કરો મતદાન મથક

જો તમે મતદાન મથક ચેક કરવા માંગતા હોવ, તો તમારે મતદાર પોર્ટલની ઓફિશિયલ સાઇટ (https://voters.eci.gov.in/) પર જવું પડશે. અહીં તમારે ઈમેલ અથવા મોબાઈલ નંબરથી લોગઈન કરવાનું રહેશે. આ પછી તમારે Find Poling Station પર ક્લિક કરવાનું રહેશે. અહીં તમારે પૂછવામાં આવેલી સંપૂર્ણ માહિતી દાખલ કરવાની રહેશે. તમારે આ માહિતી ખૂબ જ ધ્યાનથી વાંચવી પડશે કારણ કે આ પછી જ તમને માહિતી આપવામાં આવશે.

એપ દ્વારા પણ થશે ચેક

તમે Voter Helpline App નો ઉપયોગ પણ કરી શકો છો. આ માટે તમારે પહેલા એપ ડાઉનલોડ કરવી પડશે. આ એપમાં 'Find Your Polling Station' નો વિકલ્પ પસંદ કરવાનો રહેશે. આ પછી તમારે કેટલીક માહિતી શેર કરવી પડશે, આ રાજ્ય, જિલ્લા અને વિધાનસભા મતવિસ્તાર સાથે સંબંધિત હશે. બધી વસ્તુઓ દાખલ કર્યા પછી, તમારે Find Poling Booth પર ક્લિક કરવાનું રહેશે અને તમને સંપૂર્ણ માહિતી મળી જશે.

વધુ વાંચો: કેટલો IT રિટર્ન ભરશો? જે દર્શાવશે ટેક્સ ડિપાર્ટમેન્ટની આ સુવિધા, આ રીતે કરાશે TAX કેલ્ક્યુલેશન

વોટર આઈડી કાર્ડ

જો તમારી પાસે વોટર આઈડી કાર્ડ નથી, તો તમે ઈ-વોટર આઈડી કાર્ડ પણ ડાઉનલોડ કરી શકો છો. તેને EPIC પણ કહેવામાં આવે છે. આ ફિઝિકલ કાર્ડ નથી. પરંતુ તેની મદદથી તમે વોટ કરી શકો છો. મતલબ કે તમને મતદાનમાં ભાગ લેતા કોઈ રોકી શકશે નહીં. પરંતુ મતદાન કરવા માટે તમારી પાસે વોટર આઈડી કાર્ડ હોવું જરૂરી છે.