સૌથી મોટો ટમેટા ચોર ઝડપાયો શટર તોડી ચોર્યા 900 કિલો ટમેટા

મુંબઇઃ દહિસર પોલીસે અંતે આ ટમેટા ચોરને શોધી કાઢ્યો જે છેલ્લા 28 દિવસોથી તેના માટે મુસીબત બન્યો હતો. સ્થાનીક કોર્ટે ટમેટા ચોરને પોલીસે કસ્ટડીમાં મોકલી દીધો હતો. ધરપકડ કરાયેલ વ્યક્તિ પર ગયા મહિને શાક માર્કેટમાંથી 900 કિલો ટમેટાની ચોરી કર્યાનો આરોપ છે.

આ યુવક ટેમ્પો ચલાવતો હતો અને શાક માર્કેટમાં સપ્લાઇ કરતો હતો. બનાવની રાતે યુવક ટેમ્પો લઇ શાક માર્કેટ પહોંચ્યો અને શટર તોડી ટમેટા ચોરી લીધા. પોલીસે સીસીટીવી ફુટેજના આધારે ટેમ્પોની ઓળખ કરી. જેના પર સાઇં ટેમ્પો સર્વિસ લખેલુ હતું. 

પોલીસના જણાવ્યા અનુસાર દુકાનનું શટર તોડી 30 કેરેટમાં રાખેલા અંદાજીત 900 કિલો ટમેટાની ચોરી થઇ ગઇ. ત્યારબાદ શાક માર્કેટના દેખરેખ માટે ચોકીદાર રાખવામાં આવ્યા.