VIDEO / બનાસકાંઠા: 'પાણી મળશે, તો મત મળશે' ચૂંટણી બહિષ્કારના બેનર લગાવી સ્થાનિકોનો વિરોધ

બનાસકાંઠા જિલ્લાના સરહદી વિસ્તારોમાં ઉનાળાની શરૂઆત થતા ની સાથે જ પીવા અને ખેતી કરવા માટે પાણીની તકલીફો ઊભી થાય છે. ત્યારે બનાસકાંઠા જિલ્લાના સરહદી વાવ તાલુકાના ચોથા નેસડા ગામે છેલ્લા ઘણા સમયથી પીવાનું પાણી ન આવતા સ્થાનિક લોકોમાં પીવાના પાણીને લઈ તકલીફો ઊભી થઈ છે. જેના કારણે ગતરોજ પાણીના મુદ્દે વાવ મામલતદારને ગ્રામજનો આવેદનપત્ર આપ્યા બાદ આજે ચોથા નેસડા ગામમાં ચૂંટણી બહિષ્કારના બેનરો પાણી માટે લગાવવામાં આવ્યા હતા.

બીજી તરફ સરહદી વિસ્તાર ભાવના ચોથા નેસડા ગામમાં છેલ્લા ઘણા વર્ષોથી ઉનાળો શરૂ થાય અને પીવાના પાણીની તકલીફો શરૂ થઈ જાય છે. ઘણા વર્ષોથી ગ્રામજનો દ્વારા વહીવટી તંત્રમાં અનેકવાર પીવાના પાણીને લઈ રજૂઆતો કરવામાં આવી છે. પરંતુ આજ દિન સુધી પીવાના પાણી માટે કોઈ જ ઉકેલ આવ્યો નથી. તેના કારણે આ ગામના લોકોએ જાતે જ પીવાના પાણી માટે ટેન્કર મંગાવી પાણી પૂરું પાડવામાં આવે છે. આ સમસ્યાથી કંટાળેલા લોકોએ વાવ મામલતદાર કચેરીએ આવેદનપત્ર આપવામાં આવ્યું હતું અને તાત્કાલિક ધોરણે પાણી પૂરું પાડવા માટે માંગ કરી હતી. ત્યારે આજે ફરી એકવાર પીવાના પાણીને લઈ ચોથા નેસડા ગામના લોકોએ આંદોલન શરૂ કર્યું છે.

વધુ વાંચોઃ ભાવનગર: પ્લાસ્ટીક ઉદ્યોગ પર મંદીના વાદળો, 25000 કામદારોની રોજી સંકટમાં, જુઓ વીડિયો

આજે તમામ ગામના લોકો એકત્ર થઈ પીવાના પાણી માટે ચૂંટણીને લઇ નિર્ણય કરવામાં આવ્યો છે. જેમાં તમામ ગામના લોકોએ એકત્રિત થઈ આજે ગામમાં પ્રવેશતાની સાથે જ ગામમાં બેનરો લગાવવામાં આવ્યા છે જેમાં પાણી નહીં તો વોટ નહીં ના બેનરો લગાડવામાં આવ્યા હતા જો આ ગામમાં તાત્કાલિક પાણી પૂરું પાડવામાં નહીં આવે તો આગામી સમયમાં યોજાનારી લોકસભાની ચૂંટણીમાં ગામના એક પણ વ્યક્તિ ચૂંટણીમાં વોટ નહીં કરે તેવી પણ ગ્રામજનો એક ચીમકી ઉચ્ચારી છે.