વિરાટ કોહલી અને અનુષ્કા શર્માએ 11 ડિસેમ્બરના ઇટલીમાં સિક્રેટ વેડિંગ કર્યા. આમ તો આ સ્ટાર કપલ પોતાના રિલેશનશિપથી લગ્ન અને લગ્ન બાદ પણ ચર્ચા રહ્યુ છે. હાલમાં આ કપલ બંને પોત-પોતાના કામમાં વ્યસ્ત છે. હવે અનુષ્કા શર્મા અને વિરાટ કોહલી પહેલી વખત એક ચેટ શોમાં સાથે આવશે જ્યાં તેઓ પોતાના સિક્રેટ્સ વિશે વાત કરશે.
પ્રોડ્યુસર-ડિરેક્ટર કરણ જોહર પોતાના ચેટ શો 'કૉફી વિથ કરણ'ની આગામી સિઝનના પહેલા એપિસોડમાં વિરાટ કોહલી અને અનુષ્કા શર્માને એક સાથે લાવવા ઇચ્છે છે. આ માટે કરણે અનુષ્કા સાથે વાત પણ કરી પરંતુ અનુષ્કાએ કરણ સામે આ માટે એક શરત મૂકી દીધી.
જી હા કરણની 'એ દિલ હૈ મુશ્કિલ'માં લીડ રોલમાં જોવા મળેલી અનુષ્કાએ 'કૉફી વિથ કરણ'માં આવવા માટે તો તૈયાર છે પરંતુ અનુષ્કા પોતાની અપકમિંગ ફિલ્મ 'પરી'નું પ્રમોશન કરશે અને તેની સાથે વિરાટ કોહલી નહીં પરંતુ ફિલ્મની કૉ-પ્રોડ્યુસર પ્રેરણા અરોરા આવશે.
કરણ જોહરની ખૂબ જ રિકવેસ્ટ પછી અનુષ્કા આ વાત માટે માની ગઇ છે અને વિરાટ કોહલી શોમાં આવશે પરંતુ એક જ સેગમેન્ટ માટે આવશે અન તેમની સાથે જોડાશે.
ઉલ્લેખનીય છે કે અનુષ્કા પોતાની અપકમિંગ ફિલ્મ 'પરી'માં જોવા મળશે. આ ફિલ્મ 2 માર્ચના થિયેટર્સમાં જોવા મળશે. પ્રૉસિત રૉયના ડિરેક્શનમાં બનેલી ફિલ્મમાં અનુષ્કા શર્મા સાથે પરમબ્રતા ચેટર્જી અને રજત કપૂર જોવા મળશે.