હોટલમાં ચાલતા મોટા સેક્સરેકટ પર પોલીસના દરોડા

અમદાવાદ: ઠક્કરબાપાનગર ચાર રસ્તા પાસેના જબુકા કોમ્પ્લેક્સમાં આવેલી હોટલ કાવેરીમાં દેહ વ્યવસાય ચાલતો હોવાની બાતમી G ડિવિઝન એસીબીને મળી હતી. જેના આધારે ગત રાત્રે SP અને કૃષ્ણનગર પોલીસની ટીમે હોટલ કાવેરીમાં દરોડો પાડતા મોટુ સેક્સ રેકેટ પકડી પાડ્યુ હતુ.

હોટલમાંથી પોલીસને મૂળ પશ્ચિમ બંગાળની અને હાલ વસ્ત્રાલમાં રહેતી બે યુવતીઓ મળી આવી હતી. હોટલમાં હાજર બે વ્યક્તિને પૂછતાં હોટલના માલિક ભાવેશ લલિતસિંહ રાવ (રહે. ગુજરાત હાઉસિંગ બોર્ડ બાપુનગર) હોવાનું જણાવ્યું હતું.

હોટલના મેનેજર ગણેશ પ્રજાપતિ અને નોકર દિલીપસિંહ રાવ (બંને રહે. કાવેરી હોટલ)ની પૂછપરછ કરતાં બહારથી ભાડે યુવતીઓને હોટલમાં લાવવામાં આવતી હતી.

ઉલ્લેખનીય છે કે આ હોટલમાં ગ્રાહક દીઠ રૂ.૩૦૦ યુવતીઓને આપવામાં આવતા હતા. ગ્રાહક પાસેથી રૂ.૧૦૦૦ વસૂલવામાં આવતા હતા. છેલ્લા અનેક સમયથી હોટલમાં કૂટણખાનું ચાલતું હોવાનું પોલીસે જણાવ્યું હતું.