પાકિસ્તાન 14 ઓગસ્ટના જ્યારે તેની આઝાદીની 70મી વર્ષગાંઠ ઉજવી રહ્યો હતો. એજ સમયે ક્રિકેટના મેદાનમાં ફરી એક વખત મોટી દુર્ઘટનામાં ખેલાડીએ પોતાનો જીવ ગુમાવવો પડ્યો છે. આ ઘટના પાકિસ્તાનની છે. પાકિસ્તાનની ક્લબ ક્રિકેટ મેચમાં રમતા ઝુબેર અહેમદનું માથામાં બોલ વાગતા મોત થયુ છે. આ યુવા બેટ્સમેને હેલ્મેટ નહતું પહેર્યુ. આ ઘટના અંગેની માહિતી ક્રિકેટ બોર્ડ દ્વારા ટ્વિટર પર પોસ્ટ કરવામાં આવી હતી.
PCBએ ટ્વિટ કરી કરી પૃષ્ટી
- PCB ( પાકિસ્તાન ક્રિકેટ બોર્ડે) દ્વારા લખવામાં આવ્યું કે ઝુબેરની દુખદ મૃત્યુ એક વખત ફરી શીખ આપે છે કે સેફ્ટી ગિયર (હેલ્મેટ) હંમેશા પહેરવુ
જોઇએ.અમારી સહાનુભૂતિ ઝુબેરના પરિવારની સાથે છે. મેદાન પર આ ઘટના પાકિસ્તાનના સ્વતંત્રતા દિવસે 14 ઓગસ્ટે બની હતી. પાકિસ્તાન ક્રિકેટ બોર્ડ
(પીસીબી)એ પણ ઝુબેર અહેમદના મૃત્યુની પૃષ્ટિ કરી છે. આ દરમિયાન તેને એક ટ્વીટ પણ કર્યુ છે.
ઉલ્લેખનીય છે કે ઝુબેર અહેમદ મરદાનના નિવાસી છે. ઝુબેર અહમદ ફખર જમાન એકેડમીમાંથી રમતા હતા. ઝુબેરની મોત પર ઓસ્ટ્રેલિયાના પૂર્વ બોલરડીન જોંસએ પણ સહાનુભૂતિ વ્યક્ત કરી. સોશિયલ મિડિયા પર ઝુબેરની મોતના સમાચાર વાયરલ થઇ રહ્યા છે.