VIDEO: 'ટાઇગર જિંદા હે' નું ટ્રેલર રિલીઝ સલમાન-કેટરીનાની જોરદાર એક્શન કેમેસ્ટ્રી

મુંબઇ:  સુપરસ્ટાર સલમાન ખાન અને કેટરીના કેફની 'ટાઇગર જિંદા હે' નું ટ્રેલર રિલીઝ થઇ ગયું છે. ટ્રેલરમાં ખૂબ એક્શન અને સલમાન ખાનના બે જોરદાર ડાયલોગ છે. 

આ ટ્રેલર પરથી જાણવા મળે છે કે સલમાન ખાનનું મિશન છે આતંકીઓના કબ્જામાંથી ભારતીય નર્સોને આઝાદ કરાવવી. સાથે કેટરીના પણ છે. બંને વચ્ચે કોઇ પણ પ્રકારનો રોમાન્સ જોવા મળી રહ્યો નથી. 

આ પહેલા એની થીમ મ્યૂઝિક ટીઝર રજૂ થયું હતું. ગત શુક્રવારે સવારે જ એને રજૂ કરવામાં આવ્યું હતું. અત્યાર સુધી આ ફિલ્મના ફોટાને રજૂ કરવાનો સિલસિલો ચાલી રહ્યો છે. 

નોંધનીય છે કે આ ફિલ્મ 22 ડિસેમ્બરના રોજ રિલીઝ થનારી છે. ફિલ્મમાં લાંબા સમય બાદ કેટરીના અને સલમાનની જોડીને જોવા માટે ચાહકો બેચેન થઇ રહ્યા છી. આ ફિલ્મ વર્ષ 2012માં આવેલી એક થા ટાઇગરની સીક્વલ છે. આ ફિલ્મમાં પણ સલમાન ખાન અને કેટરીના કેફ લીડ રોલમાં જોવા મળી રહ્યા છે.