કેન્દ્રમાં મોદી સરકારને ત્રણ વર્ષ પૂર્ણ થઈ ગયા છે. સર્જીકલ સ્ટ્રાઇક સ્વચ્છ ભારત અભિયાન સહિતના અનેક નિર્ણયો માટે તેમની સરાહના થઈ છે તો GST અને નોટબંધી જેવા નિર્ણયોથી તેમની ટીકા પણ થઈ છો. જોકે આ ત્રણને અંતે પણ મોદીની લોકપ્રિયતામાં કોઈ જ ઓટ નથી આવી દેશના લોકપ્રિય નેતાઓમાં તેઓ આજે પણ અવલ્લ નંબરે છે.
2014 થી સત્તામાં આવેલા નરેન્દ્ર મોદી દેશની સૌથી લોકપ્રિય પ્રધાનમંત્રીઓમાં શુમાર થયા છે. દેશના વિકાસ અને પ્રગતિ માટે તેમણે લીધેલા ઐતિહાસિક નિર્ણયો ભારતને દુનિયાના નકશામાં મજબૂત સ્થાન આપ્યું છે. ક્યારેક સર્જીકલ સ્ટ્રાઇક કરીને વિરોધીઓને જવાબ આપવો ક્યારેક ખુદ હાથમાં ઝાડૂ લઈને ગાંધીના વિચારોનો પ્રચાર કરવો તો ક્યારેક વૈશ્વિક મંચ પરથી દેશનું નામ ગજવવું.
મોદીની લોકપ્રિયતા દેશના સીમાડાઓ બહાર વિદેશો સુધી પહોચી છે. 3 વર્ષના શાસનમાં જ તેઓ દેશના લોકપ્રિય નેતા બની ગયા છે. પ્યૂ રિસર્ચ સેન્ટરે હાલમાં કરેલા સર્વે સૌથી વધુ મતો મોદીને મળ્યા છે.
આ સર્વે પ્રમાણે મોદીની લોકપ્રિયતાને 57 ટકા આંકવામાં આવી છે જ્યારે 2016માં તે 65 ટકા 2015માં 58 ટકા જ્યારે 2014માં 49 ટકા હતી. સર્વે પ્રમાણે 2016માં PM મોદીની લોકપ્રિયતામાં જરૂરથી ઘટાડો થયો છે પરંતુ 2017માં તેમની લોકપ્રિયતા ફરી વધી છે. મોદી દેશના યુવાનોમાં સૌથી વધુ લોકપ્રિય છે જેમાં 18થી 29 વર્ષના યુવાનોએ તેમની માટે મત આપ્યો છે.
મોદી સૌથી લોકપ્રિય નેતા
PM મોદી દેશના યુવાનોમાં સૌથી વધુ લોકપ્રિય
18થી 20 વર્ષના યુવાનોમાં મોદી સૌથી વધુ લોકપ્રિય
2017માં PM મોદીની લોકપ્રિયતા 57 ટકા
2016માં 65 ટકા 2015માં 58 ટકા જ્યારે 2014માં 49 ટકા હતી
સર્વેમાં મોદીની સરખામણીએ રાહુલ ગાંધી અને સોનિયા ગાંધી ઘણા પાછળ છે. મોદી પર 88 ટકા લોકોએ વિશ્વાસ દર્શાવ્યો છે જ્યારે 58 ટકા લોકો રાહુલ ગાંધી પર અને 57 ટકા લોકોએ સોનિયા ગાંધીને પોતાની પસંદ ગણાવ્યા છે. આ સર્વેમાં અરવિંદ કેજરીવાલની લોકપ્રિયતા ઘટી છે જેઓ 39 ટકા લોકોને પસંદ છે. સર્વેમાં બેરોજગારી ભ્રષ્ટાચાર ગરીબો માટે યોજનાઓ આતંકવાદ મોંઘવારી સહિતના અનેક મુદ્દે લોકોનો અભિપ્રાય લેવામાં આવ્યો હતો. જેમાં લોકો અને ખાસ કરીને યુવાનોએ પ્રધાનમંત્રી મોદીમાં વિશ્વાસ વ્યક્ત કર્યો છે.
21 ફેબ્રુઆરીના રોજ 2464 લોકોને મત લઈને આ સર્વે કરાયો હતો. જે પ્રમાણે દેશના દર દસમાંથી નવ લોકો પ્રધાનમંત્રી મોદીના નિર્ણયો અને તેમની નીતિઓમાં વિશ્વાસ ધરાવે છે.