અમદાવાદઃ બોપલ વિસ્તારમાં AMTSની બસે સાઈકલ પર જઈ રહેલા વિદ્યાર્થીને અડફેડે લીધો છે. બોપલના બસ સ્ટેન્ડ પાસે અકસ્માત સર્જાતા વિદ્યાર્થીનુ ઘટના સ્થળે મોત નિપજ્યુ હતું. આ ઘટના સર્જાતા લોકોના ટોળે-ટોળા ઘટના સ્થળે દોડી આવ્યા હતા.
AMTS અમદાવાદની અંદર કાળ થઇને ફરતી હોય તેવા બનાવો સામે આવી રહ્યા છે. મહિનાની અંદર જ અનેક AMTSના કિસ્સાઓ બની રહ્યા છે. બેફિકરાઇથી બસો ચલાવવામાં આવે છે. આમને આમ પુરપાટ ઝડપે આવતી AMTS બસોના લોકો ભોગ બને છે.