જામનગર: પાટીદાર અનામત આંદોલનના પ્રણેતા અને પાસના સર્વેસર્વા હાર્દિક પટેલ નો જામનગરના પાટીદાર યુવાનોએ અનોખો વિરોધ દર્શાવ્યો હતો. પાટીદાર યુવાનોએ હાર્દિકના ફોટાને ખાસડાનો હાર પહેરાવીને અનોખા બેસણાનો કાર્યક્રમ આપી સુત્રોચ્ચાર કરી. હાર્દિકને પટેલ સમાજ વિરોધી ગણાવ્યો હતો.
પાટીદાર સમાજ માટે અનામતનું આંદોલન ચલાવી રહેલા હાર્દિક પટેલ સમાજનો ગદ્દાર હોવાના આક્ષેપો સાથે જામનગરના પાટીદાર યુવાનોએ આજે સાજે હાર્દિકનું ઉઠામણું રાખ્યું હતું. હાર્દિક હાય-હાય ના નારા લગાવી વિરોધ દર્શાવ્યો હતો. ત્યારબાદ હાર્દિકના ફોટાને પગ નીચે ચગદી સમાજ વિરોધી ગણાવી ગદ્દારની ઉપમા આપી હતી.
તાજેતરમાં રાહુલ ગાંધી સાથે થયેલી ગુપ્ત મીટીંગ ને લઈને યુવાનો રોસે ભરાયા હતા અને સ્પષ્ટ વિરોધ દર્શાવ્યો હતો. પાટીદાર સમાજના ગઢ સમા વિસ્તારમાં થયેલા વિરોધ દરમ્યાન પાટીદાર યુવાનોની પંખી હાજરી ચુચ્ક માનવામાં આવી રહી છે. આ કાર્યક્રમ ને લઈને પોલીસ પણ પહોચી ગઈ હતી.