જિગ્નેશ મેવાણીને Y કેટેગરીની સુરક્ષા આપવામાં આવે તેવી માગ ઉઠી છે.આ માગ કરી છે પાટણના દલિત સમાજના યુવકોએ મેવાણીને Y કેટેગરીની સુરક્ષા આપવા નાયબ કલેક્ટરને આવેદનપત્ર આપ્યું છે.મેવાણીને સોશિયલ મીડિયા પર મળતી ધમકીઓ મામલે સુરક્ષાની માગ સાથે આવેદનપત્ર આપ્યું છે.તો આ મામલે જો માગ નહીં સંતોષાય તો આંદોલન પર ઉતરવાની પણ ચીમકી ઉચ્ચારી છે.
દલિત અગ્રણી અને અપક્ષના ધારાસભ્ય જિગ્નેશ મેવાણી જ્યારથી ધારાસભ્ય બન્યા બાદ ત્યારથી તેઓ વધુને વધુ સક્રિય બનતા રહ્યા છે.નવા વર્ષની શરૂઆતમાં જ તેમણે અમદાવાના એક પોલીસ સ્ટેશનને દારૂના અડ્ડા બંધ કરાવવાની માગ સાથે ઘેરી લીધુ હતુ.
ત્યારબાદ મુંબઇ ખાતે યોજાયેલ એક કાર્યક્રમમાં તેમણે અને જે.એન.યુના કાર્યકર્તાના ભડકાઉ ભાષણને કારણે મોટી હિંસા ફાટી નીકળી હતી. ત્યારે આજે કેટલાક દલિત યુવકોએ MLA જિગ્નેશ મેવાણીને Y કેટેગરીની સુરક્ષા આપવાની માંગ કરી કલેક્ટરને એક આવેદન પત્ર પણ આપેલ.
ઉલ્લેખનીય છે કે ગુજરાતમાં હાલ Y કેટેગરીની સુરક્ષા પાટીદાર અગ્રણી હાર્દિક પટેલને ગુજરાત સરકાર દ્વારા આપવામાં આવેલ છે.PAAS નેતા હાર્દિકને મળેલ જાનથી મારી નાંખવાની ધમકીને કારણે વર્તમાન સરકાર દ્વારા આ સુરક્ષા કવચ આપવામાં આવેલ છે.