મુંબઇ: 160 કરોડ બજેટની અપકમિંગ મૂવી 'પદ્માવતી' ચર્ચામાં બનેલી છે. આ મૂવીમાં દીપિકા પાદુકોણ રાણી પદ્માવતીના રોલમાં જોવા મળશે. આ મૂવીમાં ડાયરેક્ટર સંજય લીલ ભણસાલીએ કોસ્ટ્યૂમ અને જ્વેલરી પર ખૂબ મહેનત કરાવી છે. ફિલ્મમાં દીપિકાએ ખૂબ ભારે કપડાં પહેર્યા છે જેના કારણે ઘણા સીન્સમાં ખૂબ મહેનત કરવી પડી.
આ ફિલ્મમાં દીપિકાએ જે જ્વેલરી પહેરી છે એને 200 કારીગરોએ 600 દિવસમાં બનાવ્યો હતો. સાથે સાથે એને બનાવવા માટે 400 કિલો સોનાનો ઉપયોગ કરવામાં આવ્યો છે. આ બાબતે જ્વેલરી ડિઝાઇન મેનેજરે કહ્યું હતું કે એને આ ડિઝાઇન્સ માટે ખૂબ જ રિસર્ચ કર્યું હતું. એમની ટીમે ઘણા મહારાજાઓની બુક્સ ફોટોઝ અને સ્કલ્પચર જોયા. ઇન્ડિયામાં ઘણા મ્યુઝિયમ ફરીને પણ જ્વેલરી ડિઝાઇન સમજ્યા. એના એક સિંગલ પીસને બનાવવા પણ પાંચ લોકો લાગેલા રહેતા જે કુંદન અને મીનાનું કામ કરતાં હતા. ડિઝાઇનર ટીમે સોના મોતી ઓપલ્સ ટોપાઝ નગોં અને કુંદનનો પણ ઉપયોગ કર્યો છે.