ગઈકાલે યોજાયેલ વિધાનસભાની ચૂંટણીમાં EVM ને લઈને અનેક પ્રશ્નો ઉઠ્યા બાદ આજે નર્મદા જિલ્લામાંથી EVM ને લઈને એક મોટી અને ઘોર બેદરકારી સામે આવી છે. વાત એમ છે કે ડેડીયાપાડા વિધાનસભાનાં 17 નંબરના ઝોનલ અધિકારી કૌશિક કાથડને એક રિઝર્વ EVM અને vvpat ફળવાયા હતા.
અને સાથે તેઓને કંજાલ ગામની એક ખાનગી ગાડી જે ચૂંટણી અધિકારીએ રૂટ 17 ને ફળવાઈ હતી.જો કે મતદાન પૂર્ણ થયા બાદ બુથ પરના તમામ EVM અને vvpat પરત રાજપીપળા ખાતે લાવી સ્ટ્રોંગ રૂમ માં શીલ કરાયા હતા.
જો કે આ ઝોનલ ઓફિસર કૌશિક કાથડ આ EVM અને vvpat જે તે ખાનગી ગાડી માં જ ભૂલી ગયા હતા.જો કે આ વાત ભારતીય ટ્રાયબલ પાર્ટી ના આગેવાન ચૈતર વસાવાના ધ્યાને આવતા તાત્કાલિક તેઓ આ EVM લઈને રાજપીપલા ના સ્ટ્રોંગ રૂમ ખાતે પહોંચી ગયા હતા.
જોગાનુજોગ ત્યાં જિલ્લા કલેકટર સહિતના ઉચ્ચ અધિકારીઓ ઉમેદવારો સાથે બેટગક કરી રહ્યા હતા અને ચૈતર વસાવાએ EVM અને vvpat સીધા જિલ્લા કલેકટર આર.એસ.નિનામાંની સામે રહેલા ટેબલ પર મૂકી દેતા અધિકારીઓ પણ ચોંકી ઉઠ્યા હતા.
જો કે હાલ EVM ને લઈને તપાસ ચાલી રહી છે.જો કે આમાં માત્ર ઝોનલ અધિકારી નહીં પણ જે જવાબદારો સ્ટ્રોંગ રૂમ પર મશીન પરત જમા લેતા હતા તેઓના ધ્યાને આ વાત કેમ ના આવી.અને કલેક્ટર નર્મદા એ જણવ્યું હતું કે જેતે જોનલ કે અધિકારી સામે કાયદેસર ની કાર્યવાહી કરવામાં આવશે.