વિરાટ કોહલીને લાગ્યો મોટો ઝટકો ICC રેન્કિંગમાં પહોંચ્યો ત્રીજા સ્થાને

ઇન્ડિયન કેપ્ટન વિરાટ કોહલીની સાઉથ આફ્રિકાના પ્રવાસમાં 900 પૉઇન્ટ્સનો ચમત્કારિક આંકડો પાર કરવાની આશા ઝાંખી પડી ગઇ છે. કેપ્ટાઉન ટેસ્ટમાં નબળા પરફૉર્મન્સને કારણે ભારતીય કેપ્ટનને 13 પોઇન્ટનું નુકસાન થયું છે. વિરાટ ICCની વર્લ્ડ રેન્કિંગમાં એક ક્રમાંક નીચે ત્રીજા સ્થાને આવી ગયો છે જ્યારે સાઉથ આફ્રિકાનો કેગિસો રબાડા બૉલર્સની લિસ્ટમાં ટૉપ પર છે. ચેતેશ્વર પૂજારા શિખર ધવન મુરલી વિજય અને રોહિત શર્મા જેવા ભારતના અન્ય બેટ્સમેનને પણ ફૉર્મ ખરાબ હોવાનું કારણે નુકસાન ભોગવવું પડ્યુ છે જ્યારે બૉલર્સમાં ભુવનેશ્વર કુમારે તેના કરિયરનો શ્રેષ્ઠ ક્રમાંક પ્રાપ્ત કર્યો છે.

મોહમ્મદ શામી ટોચ 20માં શામેલ ભારતનો ત્રીજો બૉલર છે. રબાડા દુનિયાનો નંબર 1 બૉલર બની ગયો છે તેણે કેપ્ટાઉનમાં પોતાની ટીમને 72 રનનથી જીત આપવામાં મહત્વની ભૂમિકા ભજવી છે. કોહવીના આ ટેસ્ટ મેચ પહેલા 893 પૉઇન્ટ હતા અને તેની ફોર્મ જોઇને લાગી રહ્યુ હતુ કે તે 900 પૉઇન્ટ સુધી પહોંચી શકે છે. પરંતુ ટેસ્ટ મેચમાં ભારતીય કેપ્ટને 5 અને 26 રન કર્યા જેનાથી તેની રેટિંગ પોઇન્ટ 880 રહી ગયા.

બીજી તરફ ઇંગ્લેન્ડના કેપ્ટન જો રૂટે ઓસ્ટ્રેલિયા સામેની સિડની ટેસ્ટ મેચમાં 141 રન બનાવ્યા હતા જેથી તેને 28 પોઇન્ટનો ફાયદો મળ્યો છે અને તે કોહલીને પછાડીને નંબર-2 પર પહોંચી ગયો છે. ઓસ્ટ્રેલિયન કેપ્ટન 947 પોઇન્ટ્સ સાથે ટોચ પર છે. પહેલી ટેસ્ટમાં પૂજારાએ 26 અને 4 રન બનાવ્યા હતા જેથી તેને 25 પોઇન્ટ્સનું નુકસાન થયું છે અને તે 848 પોઇન્ટ્સ સાથે ત્રીજામાંથી પાંચમા ક્રમે ખસી ગયો છે.

ન્યૂ ઝીલેન્ડનો કેન વિલિયમ્સ ચોથા ક્રમે છે. ભારતના અન્ય બોલર્સમાં વિજય પાંચ ક્રમાંક નીચે 30મા ધવન અને રોહિત ત્રણ-ત્રણ ક્રમાંક નીચે અનુક્રમે 33મા અને 44મા સ્થાને ખસી ગયા છે. જોકે પહેલી ઇનિંગમાં 93 રન બનાવવાને કારણે હાર્દિક પંડ્યા 24 ક્રમાંકની છલાંગ લગાવીને 49મા ક્રમે પહોંચી ગયો છે. આ મેચમાં ન રમનારો કેએલ રાહુલ પહેલાંની જેમ 12મા ક્રમે જ છે.

ભુવનેશ્વર ઑલરાઉન્ડરોની લિસ્ટમાં ટોપ 20માં શામેલ થઇ ગયો છે. તેણે કેપ્ટાઉનમાં 25 અને અણનમ 13 રનની ઇનિંગ રમી હતી .ઑલરાઉન્ડરની લિસ્ટમાં શાકિબ અલ હચન ટોચ પર છે જે પછી રવિન્દ્ર જાડેજા અને અશ્વિનનો નંબર છે.