ભુવનેશ્વર કુમારની 5 વિકેટ સાથે પ્રથમ T-20 મેચમાં ભારતનો 28 રને વિજય

આજથી શરૂ થયેલ T-20 મેચના પ્રારંભે ભારત અને સાઉથ આફ્રિકા સામે યોજાયેલ મેચમાં ભારતે 28 રને જીત મેળવતા ક્રિકેટ ચાહકોમાં ખુશીનું વાતાવરણ જોવા મળેલ.જ્હોનિસબર્ગના વાંડરર્સ સ્ટેડિયમ ખાતે યોજાયેલ T-20 મેચમાં ભારતીય બોલર ભુવનેશ્વર કુમારે સાઉથ આફ્રિકાની 5 વિકેટ ઝડપી હતી.

ઉલ્લેખનીય છે કે આ મેચમાં ભારતે ટોસ હારીને પ્રથમ દાવ લીધો હતો અને 20 ઓવરમાં 203 બનાવી સાઉથ આફ્રિકાને 204 રનનો લક્ષ્યાંક આપેલ જેના જવાબ રૂપે સાઉથ આફ્રિકાએ 20 ઓવરમાં 9 વિકેટ ગુમાવી 175 રન બનાવતા ભારતનો 28 રને વિજય થયો હતો.

આપને જણાવી દઇએ કે આ T-20 મેચ જ્હોનિસબર્ગ ખાતે ભારે રસાકસી ભરી રીતે યોજાયેલ જેમાં ભારતીય ખેલાડી સુરેશ રૈનાએ એક કેચ હાથની 2 આંગળી વચ્ચે બોલને પકડી કરતા દર્શકોએ રૈનાને વધાવ્યો હતો.