2008મા મુંબઇમા થયેલા હુમલાના માસ્ટર માઇન્ડ અને જમાત-ઉદ-દાવાના આતંકી હાફિઝ સઇદે પાકિસ્તાનમાં સોમવારે એક પ્રેસ કોન્ફરન્સમા પોતાની રાજકીય પાર્ટીની સત્તાવાર રચનાની જાહેરાત કરી હતી. આતંકી હાફિઝ સઇદે પોતાની પાર્ટીનું નામ મિલ્લી મુસ્લિમ લીગ રાખ્યુ છે. તેણે પોતાના નવા પક્ષમા હાફિઝસઇદના જમાત ઉદ દાવાના સીનિયર સભ્ય સૈફુલ્લા ખાલીદને પાર્ટીનો અધ્યક્ષ બનાવ્યો છે. તેમણે પોતાના પક્ષનો રાષ્ટ્રધ્વજ પણ તૈયાર કર્યો હતો.
આતંકી હાફિઝસઇદ છેલ્લા છ મહિનાથી પાકિસ્તાનમાં નજરકેદ છે. પંજાબ સરકારે 31 જાન્યુઆરીએ સૈયદ અને તેના ચાર નજીકના સહયોગીઓ અબ્દુલ્લા ઉબાડેમલિક ઝફર ઈકબાલઅબ્દુલ રિઝન અબિદ અને કાજી અસીફ હુસૈનને આતંકવાદ વિરોધી કાયદો 1997 હેઠળ નઝર કેદ રાખવામા આવ્યા છે પરંતુ બંધ દરવાજામાં જ તેણે રાજકારણમાં જંપલાવવાનો ખેલ શરૂ કરી દીધો હતો.
હાફિઝ સઇદની નજર હવે 2018માં પાકિસ્તાનમાં યોજાનાર ચૂંટણી પર નજર છે. જલ્દી જ સઇદની પાર્ટી નવા ચહેરાની જાહેરાત કરશે. ઉલ્લેખનીય છે કે પાકિસ્તાનના રાજકારણમા હાલમા મોટી ચહલ-પહલ ચાલી રહી છે ત્યારે મિલ્લી મુસ્લિમ લીગની શરૂઆત રાજકીય વિશ્લેષકો માટે પણ ચર્ચાનો વિષય બની છે