કચ્છ: કોંગ્રેસ ઉપાધ્યક્ષ 7 રાહુલ ગાંધી ફરી એકવાર ગુજરાતના પ્રવાસે આવવાના છે. મળતી માહિતી પ્રમાણે રાહુલ ગાંધી આગામી 5 થી 7 ડિસેમ્બર દરમિયાન ગુજરાતના પ્રવાસે આવશે.
આ દરમિયાન રાહુલ ગાંધી કચ્છ જિલ્લાની બેઠકો પર ચૂંટણી પ્રચાર કરશે.સાથે જ પ્રથમ તબક્કાની બાકી રહેલી બેઠકો પર પણ ચૂંટણી પ્રચાર કરવાના છે.
મહત્વનું છે કે રાહુલ ગાંધીનો આ 7 મો ગુજરાત પ્રવાસ હશે. આ પહેલા પણ રાહુલ ગાંધીને ગુજરાતમાં ભારે જનપ્રતિસાદ મળ્યો છે.લોકમાં ભારે ઉત્સાહનો માહોલ જોવા મળી રહ્યો છે.ત્યારે કચ્છની ધરા પર રાહુલ ગાંધીનો જલવો કેવો રહેશે તે આગામી જોવા મળશે.
ઉલ્લેખનીય છે કે ગુજરાત વિધાનસભાની ચુંટણી નજીક આવી રહી છે ત્યારે ગુજરાતના તમામ પક્ષો દ્વારા ઝંઝાવાતી પ્રચાર હાથ ધર્યો છે. પોતાના ઉમેદવાર જીતે અને બહુમતી સાથે સરકાર બને તે હેતુથી ભાજપ અને કોંગ્રેસ દ્વારા પોતાના સ્ટાર પ્રચારકો મેદાનમાં ઉતાર્યા છે.
ત્યારે કચ્છના કોંગ્રેસી ઉમેદવારોના પ્રચારાર્થે કોંગ્રેસના રાષ્ટ્રીય ઉપાધ્યક્ષ રાહુલ ગાંધી કચ્છની મુલાકાત લેવાના છે. તેમની આ મુલાકાતમાં તેઓ કચ્છના જુદા-જુદા સ્થળ પર જનસભાને પણ સંબોધવા હોવાનું સુત્રો દ્વારા જાણવા મળ્યું હતુ.