આ એરલાઇન કંપની માત્ર રૂ. 312 રૂપિયામાં કરાવશે હવાઇ સફર

ડોમેસ્ટિક કંપની GoAir  એ હવાઇ સફર કરતા યાત્રીઓ માટે એક ખાસ ઑફર લોન્ચ કરી છે. કંપનીએ દિલ્લી કોચ્ચિ અને બેંગ્લૂરૂ સહિત 7 શહેરો માટે શરૂ કરેલી ઑફરમાં વન-વેનું શરૂઆતનું ભાડું 312 રૂપિયા રાખ્યું છે. એરલાઈન કંપનીએ પોતાના નિવેદનમાં કહ્યું કે આ ઓફર અંતર્ગત ટિકીટ બુકિંગ આજ (24 નવેમ્બર) થી લઈને 29 નવેમ્બર સુધી કરી શકાશે.

1 ડિસેમ્બરથી આગામી 28 ઓક્ટોબરની વચ્ચે મુસાફરી કરી શકાશે. ટિકિટની બુકિંગ 'વહેલા તે પહેલા ધોરણે'ના આધાર પર કરવામાં આવશે. વાડિયા ગ્રુપ દ્વારા સંચાલિત એરલાઈન કંપનીએ આ ખાસ ઓફરમાંથી પોતાના મુખ્યાલય મુંબઈને બાકાત રાખ્યું છે.

આ ખાસ ઓફર અંતર્ગત ટિકીટના ભાડામાં ટેક્સ શામેલ કરાયો નથી. કંપનીએ કહ્યું છે કે આ ખાસ ભાડું નવી દિલ્હી કોચ્ચિ બેંગ્લુરૂ હૈદરાબાદ ચેન્નઈ અમદાવાદ અને લખનઉ માર્ગ પર ઉપલબ્ધ છે.