જામનગરઃ એઈટ વન્ડર્સ ગ્રુપ દ્વારા વધુ એક વર્લ્ડ રેકોર્ડ માટે દાવેદારી નોંધાવી દીધી છે. અગાઉ ગીનીસ બૂક ઓફ વર્લ્ડ રેકોર્ડમાં સાત વખત ચમકી ચુકેલા આ ગ્રુપ દ્વારા આ વખતે તોતિંગ કહી સકાય એવો સાત ઘાન માંથી ખીચડો બનાવવામાં આવ્યો હતો. આં ગ્રુપ દ્વારા સ્થાપિત કરાયેલા ગણપતિને આ મહા પ્રસાદ અર્પણ કરવામાં આવ્યો હતો. આરોગ્ય અને તોલમાપ ખાતાના અધિકારીઓની હાજરીમાં કરવામાં આવેલા આ મહાપ્રસાદ અંગે ગ્રુપ દ્વારા આઠમાં વર્લ્ડ રેકોર્ડ માટે દાવેદારી નોધાવવામાં આવી છે.
ગીનીસ બૂક ઓફ વર્લ્ડ રેકોર્ડ માટે દુર ક્યાય જવાની જરૂર નથી. તમારી આસપાસ નજર કરી. અનોખી પ્રવૃતિને પોતીકું સ્વરૂપ આપો એટલે સર્જાય વર્લ્ડ રેકોર્ડ. આ વાત જામનગરના સેવન વન્ડર્સ ગ્રુપે સાબિત કરી દીધી છે. છેલ્લા સાત વરસથી આ ગ્રુપ અવનવી પ્રવૃતિઓ કરી પોતાનું નામ વર્લ્ડ રેકોર્ડમાં બૂક કરાવી રહ્યું છે.
વધુ એક વખત આ ગ્રુપે દાવેદારી નોંધાવી દીધી છે. આ વખત સાત ધાનનો ખીચડો બનાવી વર્લ્ડ રેકોર્ડ બનાવવા પ્રસ્થાન કર્યું છે. ૫૦૦ કિલો ઉપરાંતનો ખીચડો બનાવવા ગીનીશ બૂક ઓફ વર્લ્ડ રેકોર્ડ તરફથી ટાર્ગેટ આપવામાં આવ્યો હતો. પરંતુ તૈયાર થયેલા ખીચડાનો વજન કરાયો ત્યારે વર્લ્ડ રેકોર્ડ માટે જરૂર જથ્થા કરતા ત્રણ ગણો ખીચડો તૈયાર થયો હતો. ગણપતિ બાપને આ વાનગી અર્પણ કરી ગ્રુપ દ્વારા વધુ એક કીર્તિમાન માટે પોતાની મજબુત દાવેદારી દર્જ કરી છે.
જામનગરમાં દર વરસે દગડુ સેઠ ગણેશ મહોત્સવનું આયોજન કરવામાં આવે છે. એઈટ વન્ડર્સ ગ્રુપ દ્વારા ૨૧ માં વર્ષના આયોજનને યાદગાર બનાવવા નિર્ણય કરવામાં આવ્યો હતો. આમેય કૈઈક અલગ કરવામાં મહેર આ ગ્રુપના સભ્યોએ દુંદાળા દેવના ચરણોમાં. સાત ધનનો વિશાળકાય ખીચડો ચડાવવાનો નિર્ણય કરાયો હતો. પરંતુ કૈક જુદી રીતે. આ મહા પ્રશાદ વિશ્વ લેવલે કીર્તિમાન સ્થાપિત કરે એવો નિર્ણય કરાયો હતો.
આ માટે ગ્રુપ દ્વારા ગીનીશ બુક ઓફ વર્લ્ડ રેકોર્ડની ટીમનો સંપર્ક કરી. ખીચડો બનાવવા તૈયારી શરૂ કરી દીધી. વર્લ્ડ બુક ની ટીમ તરફથી અપાયેલા ટાર્ગેટ કરતા ત્રણ ગણો ખીચડો બનાવવા આ ગ્રુપ દ્વારા તમામ સામગ્રી મંગાવવામાં આવી હતી. મગ મઠ ચણાની દાળ ચોખા ચણા સુકી ચોળી અને વટાણા સહિતના સાત ધાનનો જરૂરી પ્રમાણમાં જથ્થો ખરીદી લેવાયો.
આખી રાત સુધી ત્રણ મોટા દેશી ચૂલામાં આખી રાત આ ધાન ચળાવવામાં આવ્યું. સવારે આરોગ્યની ટીમ દ્વારા તેનું પરીક્ષણ કરાયું અને તોલમાપ ખાતાની ટીમની હાજરીમાં જુદા જુદા મોટા ટોપમાં બનાવવામાં આવેલ આ રેસિપીને ક્રેઇનની મદદથી તોલવામાં આવી. અને સર્જાયો નવો કીર્તિમાન. તમામ તોલાત બાદ ખીચડાનો વજન ૧૭૭૧ કિલો ગ્રામ નોંધાયો. આ તમામ કામગીરીનું ટીમ દ્વારા પણ રેકોર્ડીંગ કરવામાં આવ્યું છે. આગામી સમયમાં વર્લ્ડ રેકોર્ડની દાવેદારી માટે આ તમામ પુરાવા વર્લ્ડ રેકોર્ડ નોંધતી ટીમને આપવામાં આવશે.
શ્રી દગડુ શેઠ ગણેશ મહોત્સવના આયોજન પૂર્વે અહીં ગાયના પવિત્ર મૂત્ર અને છાણ તથા માટીને એકસાથે ભેળવી અનોખા પર્યાવરણપ્રદ ગણપતિની પ્રતિમાનું સર્જન કરવામાં આવ્યું હતું. આ ગણપતિ દેવને રીજવવા ગ્રુપ દ્વારા મહા ખીચડા પ્રસાદનું આયોજન કરવામાં આવ્યું હતું. ખીચડો તૈયાર થયા બાદ. વજન કરાયો હતો. અને ગણપતીદેવને અર્પણ કરી દર્શને આવતા ભાવિકોને વિતરણ કરવામાં આવ્યું હતું.
સેવન વન્ડર્સ ગ્રુપ દ્વારા અગાઉ લિમ્કા બુકમાં અવનવા રેકોર્ડ સર્જી ૧૨ વખત રેકોર્ડ પ્રસ્થાપિત કર્યો છે. તો સૌથી મોટી મોટર સાયકલ. સૌથી મોટી અગરબત્તી. સૌથી મોટી ક્રિકેટ વર્લ્ડ કપની ટ્રોફી. સહીત સાત વર્લ્ડ રેકોર્ડ નોંધાવ્યા છે. આવનારા સમયમાં પણ વધુ અવનવા રેકોર્ડ બનાવવાની ગ્રુપ લીડર દ્વારા તૈયારી બતાવવામાં આવી છે.