હવામાન વિભાગની આગાહી 15 નવેમ્બર બાદ ઠંડીનું પ્રમાણ વધી શકે છે

શહેરમાં ધીમે ધીમે હવે શિયાળાની અસર વર્તાઇ રહી છે ત્યારે હવામાન વિભાગે આગામી 15 નવેમ્બર બાદ શહેરમાં ઠંડકનું પ્રમાણ વધવાની શક્યતા વ્યકત કરી છે.

નોંધનીય છે કે વાવાતાવરણમાં ભેજનું પ્રમાણ વધતા શહેરના લઘુત્તમ તાપમાનમાં ઘટાડો નોંધાયો છે જેના કારણે વહેલી સવારે અને સાંજ બાદ શહેરમાં ઠંડીનો ચમકારો વધ્યો છે. તો બીજી તરફ બપોર બાદ ગરમીનો પારો વધતા લોકોને ગરમીનો પણ અનુભવ થાય છે. 

ઉલ્લેખનીય છે કે જમ્મુ-કશ્મીર સહિત દેશના ઉત્તરી ભાગમાં ઠંડી વધવાને પગલે ગુજરાતમાં હવે ધીમે ધીમે ઠંડીનું જોર વધશે. જોકે શિયાળાની શરૂઆત આ વર્ષે ઘણી મોડી થઈ છે. હજુ પણ દિવસે ગરમીનો અહેસાસ થાય છે અને રાત્રે ઠંડક અનુભવાય છે.