નવી દિલ્હીઃ આજે સીબીઆઇ સ્પેશિયલ કોર્ટે ઝારખંડના પૂર્વ મુખ્ય પ્રધાન મધુ કોડા સહિત તમામને દોષિ જાહેર કર્યા છે. અને મધુ કોડાને ત્રણ વર્ષની સજાનું એલાન કર્યું છે. સાથે રૂ.25 લાખનો દંડ ફટકારવામાં આવ્યો છે. ઉપરાંત કોલસા વિભાગના પૂર્વ સચિવ એચ.સી.ગુપ્તાને પણ ત્રણ વર્ષની જેલની સજા ફટકારવામાં આવી છે. જ્યારે રૂ. એક લાખનો દંડ ફટકારવામાં આવ્યો છે. કોલકાત્તાની કંપની વિની આયર્ન એન્ડ સ્ટીલ ઉદ્યોગ લિ.ને રૂ.50 લાખનો દંડ ફટકારવામાં આવ્યો છે.
બે દિવસ અગાઉ કોલસા કૌભાંડમાં ઝારખંડના પૂર્વ મુખ્ય પ્રધાન મધુ કોડા સહિત ચાર લોકોને દોષિત જાહેર કરવામાં આવ્યા હતા. આ ઉપરાંત કોલસા વિભાગના પૂર્વ સચિવ એચ.સી. ગુપ્તા ઝારખંડના પૂર્વ મુખ્ય સચિવ અશોક બસુ અને એક અન્ય અધિકારીને પણ અપરાધી જાહેર કરવામાં આવ્યા છે.
આ અગાઉ સીબીઆઇના સ્પેશિયલ જજે ઝારખંડના પૂર્વ મુખ્યપ્રધાન મધુ કોડા સહિત ચાર આરોપીઓને સાજિશ અને ગુનાઇત કાવતરું રચવા માટે દોષિત જાહેર કર્યા હતા. મધુ કોડા ઉપરાંત એચ.સી. ગુપ્તા અને કોલકાતાની કંપની વિની આયર્ન એન્ડ સ્ટીલ ઉદ્યોગ લિ. ઉપરાંત ઝારખંડના પૂર્વ મુખ્ય સચિવ એ.કે. બસુ વસંતકુમાર ભટ્ટાચાર્ય બિપીન બિહારી સિંહ વિની આયર્ન એન્ડ સ્ટીલ ઉદ્યોગ લિ.ના ડાયરેકટર વૈભવ તુલશ્યાન મધુ કોડાના નિકટના સહયોગી વિજય જોશી અને ચાર્ટર્ડ એકાઉન્ટન્ટ નવીનકુમાર તુલશ્યાન પણ આ કેસના મુખ્ય આરોપી હતા.