ગાંધીનગરઃ ગુજરાતમાં આગામી વિધાનસભાની ચૂંટણી ડિસેમ્બરમાં યોજાય તેવી શક્યતા સેવાઈ રહી છે. સૂત્રો દ્વારા મળતી માહિતી મુજબ ગુજરાત વિધાનસભાની ચૂંટણી બે તબક્કામાં યોજાશે. ડિસેમ્બરના પ્રથમ સપ્તાહમાં પ્રથમ તબક્કાની ચૂંટણી યોજાય તેવી પણ સંભાવના છે.
ચૂંટણી પંચ ઓક્ટોબર સુધીમાં તમામ તૈયારીઓને આખરી ઓપ આપી શકે છે. મતદાર યાદી સુધારણા કાર્યક્રમ પણ પૂર્ણ થવાના આરે છે. ત્યારે ચૂંટણી પંચની ટીમ આગામી મહિને ગુજરાત આવે તેવી પણ શક્યતા સેવાઈ રહી છે. ચૂંટણી પંચ ગુજરાતમાં આવીને ચૂંટણીની કામગીરીની સમીક્ષા કરી શકે છે.