જીઓને ટક્કર આપવા Airtelએ લોન્ચ કરી રૂ.399ની ધમાકેદાર ઑફર...

રિલાયન્સ જીઓ (Reliance Jio)ને ટક્કર આપવા માટે ભારતી એરટેલ (Bharti airtel) 4G યુઝર્સ માટે ધમાકેદાર ઑફર્સ લોન્ચ કરી છે. Airtel એ પ્રીપેડ યુઝર્સ માટે 399 રૂપિયાનો પ્લાન રજૂ કર્યો છે. જેમાં 84 દિવસ સુધી 84GB  ડેટાની સાથે ફ્રી કોલિંગની સુવિધા મળશે. આ રિલાયન્સ જીઓના 399 રૂપિયાના પ્લાન જેવો જ છે. એરટેલની વેબસાઇટ મુજબ આ ઓફર માત્ર 4G અને 4G સિમવાળા યુઝર્સ માટે જ છે. 

આ ઉપરાંત કંપની 244 રૂપિયામાં 70 દિવસ માટે પ્રતિદિવસ 1GB ડેટા આપી રહી છે. તેમજ આ પ્લાનમાં એરટેલ નેટવર્ક પર ફ્રી કૉલિંગની પણ સુવિધા અપાઈ છે. નોધનીય છે કે રિલાયન્સ જીઓ એ સસ્તી ઑફર્સ દ્વારા ટેલિકોમ કંપનીઓની વચ્ચે પ્રાઇસ વૉર છેડાયું છે. આ સસ્તી ઓફરના લીધે ટેલિકોમ કંપનીઓની રેવન્યુ અને પ્રોફિટ પર પ્રભાવિત થયો છે. 
 
રિલાયન્સ જીઓ (Reliance Jio)એ જુલાઇ મહિનામાં પણ ડાઉનલોડ સ્પીડના મામલામાં બાજી મારી લીધી છે. રિલાયન્સ જીઓ 4Gનો સતત સાતમો મહિનો છે જ્યારે તે ટોપ પર છે. ભારતીય ટેલિકોમ વિનિયામક પ્રાધિકરણ (TRAI)ના માઇસ્પીડ પોર્ટલના અનુસાર દેશમાં 4G ટેલિકોમ સર્વિસ આપનાર રિલાયન્સ જીઓની સરેરાશ ડાઉનલોડ સ્પીડ જુલાઇમાં 18.65Mbpsની સાથે સૌથી વધુ નોંધાઇ છે. આ જૂનમાં રિલાયન્સ જીઓની ડાઉનલોડ સ્પીડ 18.809Mbps હતી.