રાજકોટના રસુલપરા વિસ્તારમાં મનપાની કચરો એકત્ર કરતી ગાડીએ શેરીમાં રમતા 4 વર્ષના માસૂમ બાળકને ચગદી નાંખતા લોકોમાં ઉગ્ર રોષ ફેલાયો હતો. બાળકને ચગદી નાંખતા માથાના ભાગના ફૂરચેફૂરચા નીકળી ગયા હતા. બનાવને લઇને લોકોના ટોળા એકત્ર થઇ ગયા હતા અને પોલીસ દોડી આવી હતી.
પ્રાપ્ત વિગત મુજબ રસુલપરામાં શેરી નં.17માં રહેતા સમસદભાઇનો 4 વર્ષનો દીકરો શીબેટેન રમકડાથી શેરીમાં રમતો હતો. ત્યારે કચરો એકત્ર કરતી ગાડીએ તેને અડફેટે લઇ ચગદી નાખ્યો હતો. બનાવને લઇને લોકોના ટોળાએ મનપાની આ ગાડી પર તોડફોડ કરી હતી.
અકસ્માતને લઇને 400થી વધુ લોકોના ટોળાએ ગોંડલ હાઇવે ચક્કાજામ કરી દેતા લાંબો ટ્રાફિકજામ સર્જાયો હતો.પોલીસ પણ ગોંડલ હાઇવ પર દોડી ગઇ હતી. મહિલાઓ હાઇવે પર બેસી જઇ વાહનવ્યવહાર બંધ થઇ ગયો હતો.