ગુજરાતમાં વિકાસ ગાંડો નથી થયો કોંગ્રેસ ગાંડી થઇ છે: જાવડેકર

અમદાવાદઃ ગુજરાત વિધાનસભાની ચૂંટણી પહેલા ગુજરાતમાં ભાજપ અને કોંગ્રેસના મંત્રીઓએ ધામા નાખી દીધા છે. ભાજપના વરિષ્ઠ નેતાઓ અને કોંગ્રેસ ઉપાધ્યક્ષ રાહુલ ગાંધી ગુજરાતની મુલાકાત લઇ રહ્યા છે. ત્યારે આજે અમદાવાદમાં કેન્દ્રીયમંત્રી પ્રકાશ જાવડેકર દ્વારા પ્રચાર કરવા આવ્યા છે. પ્રકાશ જાવડેકર અમદાવાદના ચાંદલોડિયામાં ડોર ટૂ ડોર પ્રચાર કરવા પહોચ્યા હતા. અને ત્યારે મીડિયા સાથે વાત કરતા પ્રકાશ જાવડેકરે કહ્યું હતું કે વિકાસ ગાંડો નથી થઇ ગયો પરંતુ કોંગ્રેસ ગાંડી થઇ ગઇ છે.


ઉલ્લેખનીય છે કે ભાજપના જનસંપર્ક અભિયાનને લઇને કેન્દ્રીય માનવ સંસાધન મંત્રી પ્રકાશ જાવડેકર રાજકોટની મુલાકાત લીધી હતી. તેઓ રાજકોટની પશ્ચિમ અને દક્ષિણની બેઠક વિસ્તારમાં ઘરે ઘરે જઇને ભાજપનો પ્રચાર કર્યો હતો. તે અગાઉ તેમણે પ્રેસ કોન્ફરન્સ યોજી હતી.

જેમાં તેમણે જણાવ્યું હતું કે ભાજપ નર્મદાનું પાણી લાવી જ્યારે કોંગ્રેસે તેને રોકવાનું કામ કર્યું છે વિકાસ બોલે છે. ભાજપ લોકોના ઘરે ઘરે જાય છે જ્યારે રાહુલ ગાંધી બસમાં ફરે છે. 

પ્રકાશ જાવડેકરે વધુમાં જણાવ્યું હતું કે ભાજપ લોકોના ઘરે ઘરે જઇને લોકોની સમસ્યા વિશે જાણી રહી છે જ્યારે કોંગ્રેસના ઉપાધ્યક્ષ રાહુલ ગાંધી બસમાં ફરી રહ્યા છે.

ગુજરાત સરકારે સિધ્ધિ આપી છે નર્મદાનું પાણી લાવવામાં ગુજરાત સરકારે બહુ જ મહેનત કરી છે. જ્યારે કોંગ્રેસે નર્મદાનું પાણી રોકવાનું કામ કર્યું છે. આથી જ તો ગુજરાત સરકારનો વિકાસ બોલે છે.