VIDEO: ભારતીય શેર બજારે વટાવી વિક્રમજનક સપાટી સેન્સેક્સ 33000 ને પાર

સાર્વજનીક બેંકોને સરકારે કરેલ 2.1 લાખ કરોડની સહાય બાદ આજે શેરબજાર માટે આજે લાભ પાંચમ ખરા અર્થમાં લાભદાયી પુરવાર થઇ છે. અને આજે માર્કેટ ખુલતા જ તેમા રેકો્ર્ડબ્રેક ઉછાળો નોંધાવા પામ્યો હતો. આ ઉછાળામાં નિફ્ટી પ્રથમ વાર ૧૦ ૩૦૦ની સપાટીને વટાવવામાં સફળ રહી છે જ્યારે સેન્સેક્સે પણ પ્રથમ વાર ૩૩ ૦૦૦ની સપાટી વટાવી હતી. 

આજે શેરબજાર ખૂલતાની સાથે જ શરૂઆતમાં નિફ્ટીએ ૧૦ ૩૪૦.૫૫ની વિક્રમી સપાટીને ટચ કરી હતી જ્યારે સેન્સેક્સ ૩૩ ૧૧૭.૩૩નું રેકોર્ડ હાઈએસ્ટ લેવલ બનાવવામાં કામિયાબ રહ્યો હતો.

નાણાપ્રધાન અરુણ જેટલીએ મંગળવારે બેન્કો માટે જાહેર કરેલા ૨.૧૧ લાખ કરોડના રિકેપિટલાઇઝેશન પ્લાનના પગલે આજે સરકારી બેન્કોના શેરમાં જોરદાર તેજી જોવા મળી હતી. પીએનબી ૩૧ ટકા બેન્ક ઓફ બરોડા ૨૫ ટકા બેન્ક ઓફ ઇન્ડિયા ૨૦ ટકા ઓરિયન્ટલ બેન્ક ૧૯.૫૬ ટકા કેનેરા બેન્ક ૧૮.૪૯ ટકા એસબીઆઇ ૧૮.૨૯ ટકા ઊછળ્યો હતો. પીએનબી અને એસબીઆઇના શેરે બાવન સપ્તાહની નવી ઊંચાઇ પ્રાપ્ત કરી હતી. પીએનબી ૧૯૩.૪૫ની નવી સપાટીએ અને એસબીઆઇ ૩૧૬.૯૫ની નવી ઊંચાઇ પર પહોંચ્યો હતો.

જ્યારે આઇસીઆઇસીઆઇ બેન્કના શેરમાં ૯.૩ ટકાનો એક્સિસ બેન્કમાં ચાર ટકાનો ઉછાળો જોવા મળ્યો હતો. પીએનબીની માર્કેટ કેપ ૧૨૦૮૯ કરોડ રૂપિયા વધીને ૪૨૩૩૦.૭૩ કરોડને આંબી ગયું છે. મંગળવારે પીએનબીની માર્કેટ કેપ ૩૦ ૨૪૧.૪૫ કરોડ હતી. આ લખાઇ રહ્યું છે ત્યારે બીએસઇનો ૩૦ શેરવાળો ઇન્ડેક્સ સેન્સેક્સ ૩૦૪ પોઇન્ટ એટલે કે એક ટકાની મજબૂતાઇ સાથ ૩૨ ૯૧૧ની સપાટી પર ટ્રેડ કરી રહ્યો છે અને નિફ્ટી ૬૦ પોઇન્ટ એટલે કે ૧૦ ૨૬૮ની સપાટીએ ટ્રેડ કરી રહી છે.