નવી દિલ્હીઃ ગુજરાત ATSને એક મહત્વની સફળતા હાથ લાગી છે. ગુજરાત ATSએ દિલ્હી એરપોર્ટ પરથી બિલાલ કાવા નામના એક આતંકીને ઝડપી પાડયો હતો. બિલાલ કાવા 2000ની સાલમાં લાલ કિલ્લા હુમલાના કેસમાં ઘણા સમયથી ફરાર હતો. બિલાલ કાવા લશ્કર-એ -તૈયબાનો આતંકી છે.
તેની ધરપકડ દિલ્હી પોલીસ સ્પેશિયલ સેલ અને ગુજરાત એટીએસના સંયુક્ત અભિયાન હેઠળ કરવામાં આવી છે. એજન્સીઓ દ્વારા તેની પૂછપરછ હાથ ધરવામાં આવી છે.
લાલ કિલ્લા પર 22 ડિસેમ્બરના રોજ હુમલો થયો હતો. આ હુમલામાં આર્મીના ત્રણ જવાન શહીદ થયા હતા. આ ઘટનાને લઇ પોલીસે મામલો દાખલ કર્યો હતો. ટ્રાયલ દ્વારા કોર્ટે 11 આરોપીયોને દોષી જાહેર કરવામાં આવ્યા હતા.
આ આતંકીએ લાલ કિલ્લા પર હુમલા માટે બેંક મારફતે ફંડીંગ કર્યું હતું. તપાસમાં સામે આવ્યું કે 29 50 0000 રૂપિયા હવાલા દ્વારા કેટલીક બેન્કોના ખાતામાં ટ્રાન્સફર કરવામાં આવ્યા હતા. તે દરેક બેન્ક એકાઉન્ટ બિલાલ અહમદ કાહવાના હતા. આ કાંડના બીજા આરોપી મોહમ્મદ આરિફ ઉર્ફ અશફાકે ટોટલ રકમ ખાતાઓમાં જમા કરાવી હતી.
આરોપ છે કે આ પૈસાથી લાલ કિલ્લા પર હુમલો કરવાની ફિરાકમાં હતા અને હથિયારો ખરીદવામાં આવ્યા હતા. ત્યારથી જ બિલાલ ફરાર હતો. પોલીસને તેની શોધખોળ કરી હતી. ગુજરાત એટીએસ અને દિલ્હી પોલીસની સ્પેશિયલ સેલ દ્વારા દિલ્હી એરપોર્ટ પરથી તેને ઝડપી પાડ્યો હતો.