દારૂનો જથ્થો પકડવા ગયેલી પોલીસ પર બુટલેગરના પરિવારે કર્યો હુમલો

દેશભરમાં નવા વર્ષની ઉજવણી થઈ રહી હતી ત્યારે કડક દારૂબંધી હોવા છતાં ગુજરાતમાં દારૂની રેલમછેલ જોવા મળી.ઠેર-ઠેર દારૂના જથ્થા ઝડપાયા તો નશાની હાલતમાં અનેક લોકોને લોકઅપ પાછળ ખસેડાયા.

દારૂબંધી હોવા છતાં ગુજરાતનું યુવાધન દારૂના રવાડે ચઢયું છે જેને પગલે પોલીસની પોલ ખુલી ગઈ છે. તાજેતરમાં સુરતના મહિધરપુરામાં બુટલેગરને ત્યાંથી મોટી માત્રામાં દારૂ ઝડપાયો છે. જોકે રેડ દરમિયાન પોલીસ કોન્સ્ટેબલ પર હુમલો થતાં બુટલેગરને ઝડપી લેવાયો હતો.

આ મામલે પોલીસે બુટલેગર અશોક ઉર્ફે ડોકોની ધરપકડ કરી હતી હતી. તથા હુમલો કરવાના ગુન્હા બદલ  બુટલેગર અશોકની પત્ની માતા ભાઈ અને ભાઈની પત્ની સામે પણ કાર્યવાહી હાથ ધરી હતી.